Хотугу многоборьеҕа күрэхтэһиэхтэрэ


“Кыһын Саха сириттэн саҕаланар” республикатааҕы бэстибээл чэрчитинэн сэтинньи 30 – ахсынньы 2 күннэригэр “Модун” спортивнай комплекска уонна “Триумф” Спорка бэлэмнэнии киинигэр хотугу многоборьеҕа күрэхтэһии тэриллэр.

Күрэхтэһии хотугулуу ыстаныы, аркааны хорейга быраҕыы, ытыы, балыктаах куулу соһуу, наартаны ыстаныы көрүҥнэригэр ыытыллар. Кыайыылаахтар мэтээллэринэн, грамоталарынан уонна өйдөбүнньүк бириистэринэн наҕараадаланыахтара.

Күрэхтэһии кылаабынай судьуйатынан — республикатааҕы категориялаах судьуйа Иван Иванович Горохов үлэлиэҕэ.

Бу тэрээһин Дьокуускай куорат физическэй култуураҕа уонна спорка управлениетын, спорт национальнай көрүҥнэригэр республикатааҕы “Модун” киинин уонна Дьокуускай куорат култуураҕа, духуобунай сайдыыга управлениетын көҕүлээһиннэринэн уонна тэрийиилэринэн ыытыллар.

Дьокуускай куорат физическэй култуураҕа уонна спорка управлениета.

Добавить комментарий

Ваш адрес email не будет опубликован. Обязательные поля помечены *