Хотторуу

Раменскайга көҥүл тустууга эдэрдэргэ Россия күһүҥҥү күрэхтэһиитин бастакы быһаарыылаах хапсыһыылара ыытылыннылар. Хомойуох иһин, уолаттарбыт үрдүкү мэтээл иһин үс тустууну ыытан баран, үһүөннэригэр хоттордулар.

Саамай эрэнэр киһибит – уолаттарга Россия, Европа, аан дойду күрэхтэһиилэрин кыайыылааҕынан буола сылдьыбыт Петр Копылов (57 кг) бүтэһик быһаарыылаах хапсыһыыга Рахим Гурдалиевка (Кабардино-Балкария) 6:8 ахсаанынан хотторон кэбистэ. Онон Россия күрэхтэһиитин иккис призера буолла.

Оттон Михаил Васильев “уоскутар” бөлөххө икки кыайыыны сурунан баран, кылгас кэмҥэ үһүс киирсиитигэр – боруонса мэтээл иһин тустууга дагестанец Даитбек Амирхановка 12:13 ахсаанынан хоттордо.

Алексей Данилов (65 кг) үһүс бириистээх миэстэ иһин тустууга дагестанец Магомед Абдуллаевка 3:3 ахсааҥҥа, хаачыстыбынан хоттордо.

Атын уолаттарбыт, Уйгулан Иванов уонна Эдуард Максимов “уоскутар” бөлөхтөн сатаан төлө көтөн тахсыбатылар, онон боруонса мэтээл иһин тустууга киирбэтилэр.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *