Хара уолана Краснодарга кыайда!

Субу ааспыт быыһык күн Краснодар ипподромугар, Мэҥэ Хаҥалас улууһун Хара нэһилиэгин ыччата Николай Терентьев РФ Тыа хаһаайыстыбатын министиэристибэтэ тэрийэн ыыппыт үс саастаахтарга диэри английскай хааннаах сүүрүктэргэ Ютон Барс диэн 3 саастаах атыыры 1800 миэтэрэҕэ сүүрдэн бастатта. Көрдөрүүтэ ‒1 мүн. 56,7 сөк. Ол кэннэ кини аны 1600 м дистанцияҕа Эзра Барсы сүүрдэн биэтэккэ үһүс аҕалла (1 мүн. 43, 3).

Көрөргүт курдук, Ютон Барс бириэмэтэ түргэн. Бу, Спартак Иннокентьевич Еремеев диэн Ньурбаттан төрүттээх чааһынайыгар атыыласпыт ата. Онон бу сүүрүк мантан күһүн Саха сиригэр кэлиэхтээх.

Саха сирин, саха спордун биир ситиһиитинэн Николайы уонна бары биир дойдулаахтарбытын бу кыайыынан, бу үөрүүлээх сонунунан эҕэрдэлиибин! Ситиһии ити курдук сиэттиһэн истин!

Иннокентий АММОСОВ.

Добавить комментарий

Ваш адрес email не будет опубликован. Обязательные поля помечены *