Хапсаҕай түһүлгэтигэр 72 бөҕөс таҕыста

Бүгүн, сэтинньи 17 күнүгэр 2001-2002 сс. төрөөбүт уолаттарга Дьокуускай куорат хапсаҕайга аһаҕас күрэхтэһиитэ В.П. Керемясов аатынан куорат 3 №-дээх спортивнай оскуолатын тустууга саалатыгар ыытыллан түмүктэннэ. Түһүлгэҕэ Уус Алдан, Хаҥалас улуустарыттан, Айыы кыһатыттан, “Модунтан”, Олимпийскай эрэл училищетыттан, сибээс коллеһыттан, кадеттар интернат-оскуолаларыттан барыта 72 эдэр хапсаҕайдьыт тахсан күөн көрүстэ.

Күрэхтэһии үөрүүлээх аһыллыытыгар Дьокуускай куорат физическэй култуураҕа уонна спорка управлениетын начаалынньыга К.С. Бурцев, Дьокуускай куорат 3 №-дээх спортивнай оскуолатын дириэктэрэ Ф.А. Соловьев, күрэхтэһии кылаабынай судьуйата С.Е. Афанасьев кыттааччыларга эҕэрдэлээтилэр, ким күүстээх – ол кыайарыгар баҕардылар.

Манна сыһыары тутан эттэххэ, күрэхтэһиини кылаабынай судьуйа – республикатааҕы категориялаах судьуйа, СР спордун маастара С.Е. Афанасьев, кылаабынай сэкиритээр – Бүтүн Россиятааҕы категориялаах судьуйа, РФ уонна СР спортарын маастара В.В. Уйгуров үүннээн-тэһииннээн, дьүүллээн ыыттылар.

Түмүк маннык буолла:

50 кг (11 кыттааччы): 1. Родион Васильев (Хаҥалас), 2. Игнат Юшков (Модун), 3. Григорий Максимов (Дьокуускай).

55 кг (18): 1. Юрий Уваров (Хаҥалас, Модун), 2. Иван Степанов (ОЭУ), 3. Сандал Саввинов (Дьокуускай),

62 кг (20): 1. Дархан Игнатьев (ОЭУ), 2. Петр Догуев (кадеттар оскуолалара), 3. Егор Алексеев (Дьокуускай).

70 кг (15): 1. Заур Алабердов (Дьокуускай), 2. Виталий Шадрин (кадеттар оскуолалара), 3. Валериан Мандаров (Дьокуускай).

80 кг (4): 1. Ренат Чердонов, 2. Артур Дьяконов (иккиэн – Дьокуускайтан), 3. Тимур Лотов (Хаҥалас).

+80 кг (4): 1. Эдуард Максимов, 2. Виктор Борисов (иккиэн – ОЭУ), 3. Иван Семенов (Дьокуускай).

Петр ПАВЛОВ.

Хаартыскаҕа: пьедестал үрдүкү үктэлигэр түһүлгэ бастыҥ хапсаҕайдьыта – Заур Алабердов.

Добавить комментарий

Ваш адрес email не будет опубликован. Обязательные поля помечены *