Хапсаҕай: Дьокуускайдар кыайыыларын хатылыыр сыаллаахтар

Ахсынньы 15-16 күннэригэр Томпо улууһугар СР хапсаҕайга федерациятын кубогар күрэхтэһии ыытыллар. Хамаанданан бастыыр иһин түһүлгэҕэ 11 хамаанда күөн көрсүөҕэ. Ол курдук, Хаандыга көбүөрүгэр 2018 сыллааҕы бастыҥ хамаанда аатын иһин – Дьокуускай, Бүлүү, Чурапчы, Амма, Үөһээ Бүлүү, Хаҥалас, Таатта, Томпо, Кэбээйи, Сунтаар уонна Горнай улуустарын хапсаҕайдьыттара киирсиэхтэрэ.

Санатан эттэххэ, былырыын – Дьокуускай бастаабыта, Нам иккис, Чурапчы үһүс миэстэлэри ылбыттара. Быйыл дьэ, ханнык хамаанда бастыыр? Балаһыанньа быһыытынан – уолаттарга, эр дьоҥҥо уонна бэтэрээннэргэ састааптаах хамаандалар сирэй көрсүү быраабылатынан күрэхтэһиэхтэрэ.

Дьокуускай хамаандатын састааба:

Уолаттарга: 50 кг – Витя Яковлев, 55 кг – Айсен Алексеев, 62 кг – Валериан Мандаров, 70 кг – Заур Алабердов, 80 кг – Артур Дьяконов, +80 кг – Эдуард Максимов.

Бэтэрээннэргэ: 60 кг – Никита Никифоров, 70 кг – Василий Уйгуров, 80 кг – Василий Стручков, 90 кг – Алексей Некрасов, +90 кг – Лев Афанасьев.

Эр дьоҥҥо: 55 кг – Дьулус Юмшанов, 62 кг – Степан Соркомов, 70 кг – Владислав Петров, 80 кг – Прокопий Петров, 90 кг – Никита Валеев, +90 кг – Никита Хабаров. Хамаанда старшай тренерэ – СР спордун маастара Станислав Егорович Афанасьев.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *