Хайыһардьыттарбыт иккис, үһүс миэстэлэри ыллылар

Кемерово куоракка хайыһарынан сырсыыга Сибиир уонна Дальнай Восток федеральнай уокуругун чемпионата ыытыллан түмүктэннэ. Бу эппиэттээх күрэхтэһиигэ Саха сирин хайыһардьыттара эриэ-дэхси көрдөрүүлэннилэр.

Ол курдук, эр дьон 15 км классическай ньыманан сүүрүүлэригэр Александр Филиппов (40:16.3) иккис миэстэҕэ тахсан, үрүҥ көмүс мэтээлинэн наҕараадаланна. Ярослав Котлярчук (40:41.8) төрдүс миэстэлэннэ.

Оттон эр дьон 4х5 км эстафеталарыгар бастакы миэстэни 0:52:08,9 бириэмэ көрдөрүүлээх Сахалин уобалаһын бастакы хамаандата ылла. Бу хамаанда састааба барыта спорт маастарыгар кандидаттартан талыллыбыт. Иккис миэстэҕэ Томскай уобалас бастакы хамаандата таҕыста. Бириэмэтэ – 0:52:40.7. Оттон олохтоохтору төрдүскэ үтүрүйэн, үһүс бириистээх миэстэни Саха Республикатын бастакы хамаандата ылла (0:53:15,8).

Хамаанда састаабыгар Роман Дерябов, Ярослав Котлярчук, Александр Филиппов, Иван Пальцев сүүрдүлэр.

“Дьулурҕан”.

Добавить комментарий

Ваш адрес email не будет опубликован. Обязательные поля помечены *