Уус Маайа көбүөрүн бастыҥ бөҕөһүнэн Айархан Захаров ааттанна

Ааспыт өрөбүл күннэргэ Россия уопсай үөрэхтээһинин бочуоттаах үлэһитэ, Саха Республикатын физическэй култуураҕа уонна спорка туйгуна, үлэ уонна спорт бэтэрээнэ, көҥүл тустууга Россия бэтэрээннэргэ чемпиона Иван Николаевич Моисеев бирииһигэр Уус Маайа улууһун уолаттарга аһаҕас күрэхтэһии ыытыллан түмүктэннэ.

Түһүлгэҕэ Дьокуускай куораттан, Чурапчы, Амма улуустарыттан, Алдан улууһун Кутанатыттан уонна Уус Маайа Петропавловскай, Эдьээн, Күп нэһилиэктэриттэн барыта 70 эдэр бөҕөс күөн көрүстэ.

В.П. Керемясов аатынан Дьокуускай куорат 3 нүөмэрдээх спортивнай оскуолатыттан Саха сирин үтүөлээх тренерэ Иннокентий Семенович Кочкин илдьэ кэлбит хамаандатыттан 2008-2009 сс. төрөөбүт уолаттар бөлөхтөрүгэр – Ефим Аммосов (25 кг), Айархан Захаров (30 кг), Ньургун Чемезов (35 кг), Рома Постников (46 кг), 2004-2005 сс. төрөөбүттэргэ – Вася Уйгуров (65 кг) бэйэлэрин ыйааһыннарыгар бастаатылар. Оттон Вова Христофоров (65-тэн үөһэ кг) иккис миэстэлэннэ.

Күрэхтэһии кыайыылааҕа Айархан Захаров (Дьокуускай) “Бастыҥ быраҕыы” диэн анал бириис хаһаайынынан буолбутун таһынан, чемпионнар бары тахсан сэрэбиэй быһыытынан сүрүн бирииһи талыыларыгар – Иван Николаевич Моисеев илиититтэн 10 тыһ. солк. тутан ылла.

“Дьулурҕан”.

Добавить комментарий

Ваш адрес email не будет опубликован. Обязательные поля помечены *