Уолбун, убайбытын кэриэстээн күрэхтэһии тэрийбиккитигэр барҕа махтал!

Уус Алдан Дүпсүнүгэр, ССРС спордун маастара, Сойуус эдэрдэргэ чемпиона Александр Федорович Стрекаловскай кэриэһигэр көҥүл тустууга уонна абсолютнай хапсаҕайга оҕолорго аһаҕас турнир үрдүк таһымнаахтык буолан ааста.  

Турнирга балаһыанньа быһыытынан кыра уолаттарга сэттэ ыйааһынынан тустууга, улахан уолаттар абсолютнай хапсаҕайга күрэхтэстилэр. Кылаабынай судьуйанан международнай  кылаастаах судьуйа, биир дойдулаахпыт, Александр оҕо сааһыгар биир түөлбэҕэ олорон улааппыт доҕоро Петр Афанасьевич Соловьев үлэлээтэ. Барыта улуус 7, Дьокуускай куорат 4 оскуолаларыттан, Намтан, Тулагыттан, Чурапчыттан кэлэн күөн көрүстүлэр.

Тэрээһин үөрүүлээх аһыллыытыгар эҕэрдэ тыл эттилэр: Сивцев Н.Н., Дүпсүн нэһилиэгин дьаһалтатын баһылыга, Борисов М.В., улуус дьаһалтатын баһылыгын бастакы солбуйааччыта, Константинов Н.Н., көҥүл  тустууга ССРС спордун маастара, Саха АССР үтүөлээх тренерэ, Александр Федорович тренерэ, Сивцев С.П., Саха сирин уонна РФ үтүөлээх тренерэ, Уус Алдан улууһун тустууга федерациятын старшай тренерэ,  Протопопова О.Ф., бииргэ төрөөбүт балта уонна Соловьев П.А., кылаабынай судьуйа.

Бу үөрүүлээх тэрээһиҥҥэ спорт ветераннара: Алексеев С.Н., Кудрин Г.С., Афанасьева З.Е., Копырин В.П., Стрекаловскай Ф.Ф., Алексеев Г.С. наҕараадалары туттулар.

Турнир ыалдьыттара: Ноговицын Михаил Васильевич – ССРС спордун маастара, көҥүл тустууга ССРС 3 төгүллээх призера, Баишев Иннокентий Игнатьевич – ССРС спордун маастара, педагогическай  наука кандидата, ХИФУ ИФКиС  кафедратын доцена, Крылов Николай  Романович – ССРС спордун маастара, Саха Республикатын үтүөлээх тренерэ,  Никифоров Никита Николаевич – Саха сирин үтүөлээх тренерэ, ССРС көҥүл тустууга маастара, ССРС, РСФСР призера, Ушницкай Петр Петрович, Россия дуобакка гроссмейстера уонна Александр – Дүпсүҥҥэ, Сыырдаахха, Киевкэ бииргэ үөрэммит, алтыспыт доҕотторо.

Сыырдаах спортивнай оскуолатын тренердэрэ уонна выпускниктара, салайааччы Константинов Николай Николаевич, Александр ийэтигэр Мария Николаевнаҕа турнирга  анаан оҥотторбут анал бэлиэлэрин, бэлэхтэрин уонна сибэкки дьөрбөтүн туттардылар.

Турнир спонсордара: сэттэ ыйааһыҥҥа барыта 28 бирииһи Александр ийэтин уонна аҕатын өттүттэн бииргэ төрөөбүттэрэ, аймахтара туруордулар. Ону таһынан анал бириистэри нэһилиэк дьаһалтата (сал. Сивцев Н.Н.), Дүпсүн орто оскуолата (дир.Рожин В.В.), “Сардаана” уонна “Кэскил” оҕо тэрилтэлэрэ (сал. Бочкарева Г.А., Молокотина А.В.), “Дүпсүн”  СХПК (сал. Нестеров А.А.), Найахы орто оскуолата (дир. Сивцева М.К.), ДЮСШ-3 (тренер Афанасьев С.Е.), Сыырдаах спортшколатын выпускниктара уонна тренердэрэ (сал. Константинов Н.Н.), Дүпсүҥҥэ, Сыырдаахха бииргэ үөрэммит  доҕотторо, улуус тустууга федерацията (сал. Федотов А.В., Заболоцкий А.И), И.А .Халдеев иитиллээччилэрэ, Баишев И.И., Яковлев А.В., Афанасьев С.Е., Афанасьева З.Е., сэрии бэтэрээннэрэ, аймахтар Шадрин Г.И., Стрекаловскай З.З. оҕолоро, сиэннэрэ, тыыл, үлэ бэтэрээннэрэ М.А., И.И. Куличкиттар,сиэннэрэ Нохсоровтар, Муоматтан, Дьокуускайтан Стрекаловскайдар аймах, Стручкова А.А., Ушницкий П.П.

Александр ийэтэ уонна бииргэ төрөөбүттэрэ туруорбут ноутбук уонна кубок хаһаайынынан Тулагы орто оскуолатыттан Попов Саша; олимпийскай чемпион, аан дойду үс төгүллээх чемпиона, ССРС  үтүөлээх маастара, Украина үтүөлээх тренерэ Александр тренерэ – Павел Павлович Пинигин анал бириис-кубогын Дүпсүн орто оскуолатын 3-с кылааһын үөрэнээччитэ Слава Стручков, Киевкэ бииргэ үөрэммит доҕотторун анал бирииһин “скоростной велосипеды” Дүпсүнтэн 4-с кылаас үөрэнээччитэ Олексан Алексеев тутан үөрүү үктэллэннилэр.

Онтон улахан уолаттарга абсолютнай хапсаҕайга нэһилиэк депутата, тустууга уонна хапсаҕайга эппиэттээх салайааччы Петр Николаевич Новгородов туруорбут телевизор бирииһин Дьокуускай ДЮСШ-3 оскуолатыттан Жирков Айсен тутта.

Турнирга спонсордаабыт, тэрээһиҥҥэ быһаччы көмөлөспүт аймах-билэ дьоммутугар, нэһилиэкпит дьаһалтатыгар,  “Дүөндү” сынньалаҥ киинигэр, “Сардаҥа” оҕо тэрилтэтигэр, Дүпсүн орто оскуолатын коллективыгар, Александр Федорович ийэтин, бииргэ  төрөөбүттэрин ааттарыттан барҕа махталбытын тиэрдэбит! Бары доруобай, дьоллоох  буолуҥ!

Ыйааһыннарынан кыайыылаахтар: 22 кг – Саша Шепелев (Захаров оскуолата, Дьокуускай), 25 кг – Марат Сивцев (Найахы), 30 кг – Марат Жирков (Бороҕон), 34 кг – Андрей Слепцов, 38 кг – Арылхан Борисов (иккиэн ДЮСШ-3, Дьокуускай), 40 кг – Саша Попов (Тулагы), 45 кг – Роберт Азроян (Дьокуускай). Оттон хапсаҕайга тэриллибит түһүлгэҕэ кыайыылааҕынан Айсен Жирков (ДЮСШ-3) буолла.

Бириистэри ыйааһыннарынан туруордулар: 22 кг – Александр ийэтин бииргэ төрөөбүттэрин оҕолоро; 24 кг – Алексеевтар дьиэ кэргэн; 30 кг – аҕатын бииргэ төрөөбүттэрэ, кинилэр оҕолоро, 34 кг – быраата Сивцев Геннадий Гаврильевич, ООО «Якутпрофторг» тэрилтэ салайааччыта; 38 кг – быраата Борисов Иван Иванович, СР «Манчаары Баһылай аатынан спорт төрүт көрүҥнэрин республикатааҕы киин» тэрилтэтин дириэктэрин бастакы солбуйааччыта; 40 кг – убайа Сивцев Федор Гаврильевич, Дьокуускайдааҕы педколледд физкультурнай салаатын старшай преподавателэ; 45 кг – Федоров Иван Юрьевич, ИП ГКФХ «Эргис» салайааччыта.

Хас биирдии көмөлөспүт, сүбэлээбит дьоммутугар махталбыт муҥура суох. Турнир ыытылларыгар этии киллэрбит, сүүрэн-көтөн тэрийсибит биир кылаастаахпар Афанасьев Станислав Егоровичка уонна улуус тустуутун федерациятыгар, дьаһалтабыт баһылыга Николай Николаевич Сивцевкэ, солбуйар баһылык Иван Ивановичка бастакы сүбэлэһииттэн этиибитин ылыммыттарыгар уонна убайбыт үлэлиир кэмнэригэр өрүү көмөлөспүт, тирэх буолбут күрэхтэһиибит биир  сүрүн улахан бирииһин бэйэтин баҕа өттүнэн туруорбут “Аартык” ИП – Петр Николаевичка, тэрээһиммитин ис киирбэхтик саҥаран-иҥэрэн ыыппыт эдэр үлэһиккэ Ньургуйаана Владимировнаҕа.

Александр Федорович ийэтэ, бииргэ төрөөбүттэрэ.

 

 

Добавить комментарий

Ваш адрес email не будет опубликован. Обязательные поля помечены *