Уолаттарбытыгар ситиһиилээх тустууну баҕарабыт!

Бүгүҥҥүттэн Киевкэ – Украина аатырбыт тустууктарыгар уонна тренердэригэр анаммыт норуоттар икки ардыларынааҕы турнир саҕаланар. Бастаан көбүөргэ – 57, 65, 74, 86, 97 кг ыйааһыннаахтар тахсаллар. Биһиги бириэмэбитинэн бөөлүүн ити ыйааһыннарга сэрэбиэй ыытылынна.

57 киилэ5э сэрэбиэйи барыта 26 киһи ааспыт. Састаап ботуччу күүстээх диэххэ сөп. Европа оонньуларын кыайыылааҕа азербайджанец Махир Амирасланов, Европа чемпионатын призёра болгарин Георгий Вангелов, Азия чемпиона киргиз Улугбек Жолдозбеков, олохтоохтор эрэллэрэ Тарас Маркович…

Биһиги Арыйаан Тютриммыт аллараа бөлөххө бастаан сэрэбиэй быһыытынан азербайджанец Афган Хашаловы кытта тустар. Онно кыайдаҕына Отар Гогава (Грузия) – Наим Микяй (Болгария) пааратыгар ким хоппуту кытта киирсиэҕэ. Өссө кини бөлөҕөр Амирасланов, Маркович курдук күүстээхтэр бааллар. Чэ, уопсайынан, кытаанах киирсиилэр буолууһуктар.

65 киилэҕэ – 35 кыттааччы баар. Бу ыйааһын күүстээхтэринэн Арушанян, Оганесян, Шуптар (Украина), Букур (Румыния), Маккенна (АХШ) уо.д.а. буолаллар. Кинилэр ортолоругар биһиги уолаттарбыт Ньургун Скрябин, Андрей Бекренев  (Беларусь), Николай Охлопков (Румыния) бааллар.

Бастаан квалификацияҕа Николай Охлопков – Европа уонна аан дойду чемпионатын призера Василий Шуптары (Украина) кытта тустар.

Онтон финал 16/1-гэр Ньургун Скрябин – Иван Билейчук (Украина), Андрей Бекренев – Шмаги Тодуа (Грузия) тустуохтара.

Манна даҕатан эттэххэ, Скрябиннаах Бекренев иккиэн биир бөлөххө түбэспиттэр. Оттон Охлопков – иккис бөлөххө.

Уолаттарбытыгар ситиһиилээх тустууну баҕарабыт!

Санатан эттэххэ, күрэхтэһии бүгүн биһиги бириэмэбитинэн киэһэ 17:00 чаастан саҕаланар. Бүгүн – 57, 65, 74, 86, 97 кг ыйааһыннаахтар тусталлар. Итиэннэ финалга кимнээх тахсалларын быһаарсаллар. Бу ыйааһыннарга финаллар сарсын буолаллар.

Киевтээҕи тустууну манна көрүөххүтүн сөп:

Мат А

https://youtube.com/playlist…

Мат В

https://youtu.be/_VE9kBKyk7Q

Мат С

https://youtu.be/a_tmXYpB-vU

Мат D

https://youtu.be/xP5EMPyb64U

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *