Уйгулаан Иванов үһүс миэстэ иһин тустуоҕа

Улан-Удэҕэ Россия көҥүл тустууга чемпионатыгар бүгүн «уоскутар» бөлөххө, эрдэ иһитиннэрбиппит курдук, биэс бөҕөспүт кытынна.

Бастаан Айаал Белолюбскай (57 кг) – Михаил Иванову 7:0 кыайда, салгыы күрэхтэһиигэ кини Уйгулаан Ивановка 1:1 ахсааҥҥа хоттордо. Онон бүгүн, чемпионат боруонса мэтээлин иһин тустууга Уйгулаан Иванов уонна Азамат Тускаев көрсүөхтэрэ.

Атын уолаттарбытыттан Никита Софроновка (86 кг) маҥнай утарсааччыта К.Далгатов (Дагестан) туста тахсыбакка, быһа кыайыыны сурунна, онтон кабардинец Х.Хашпаковка 0:10  баһыйтарда.

Оттон Ньургун Сергин (92 кг) – чечен З.Минкаиловка 2:7 ахсаанынан хотторон кэбистэ.

Онон бүгүҥҥү финалга биһигиттэн Уйгулаан Иванов үһүс миэстэ иһин тустуоҕа.

Санатан эттэххэ, финалга көрсүөхтэрэ:

57 кг Начын Монгуш (Тыва) – Завур Угуев (Дагестан)

86 кг Артур Найфонов (Хотугу Осетия) – Даурен Куруглиев (Дагестан)

92 кг Анзор Уришев (Красноярскай/КБР) – Магомед Курбанов (Дагестан).

Үһүс миэстэ иһин тустуохтара:

57 кг Уйгулан Иванов (Саха сирэ) — Азамат Тускаев (Хотугу Осетия)

57 кг Абубакар Муталиев (Дагестан) — Белек Оол Кужугет (Тыва)

86 кг Хаби Хашпаков (КБР) — Магомед Рамазанов (Дагестан)

86 кг Заур Макиев (Хотугу Осетия) — Ахмед Гаджимагомедов (Дагестан)

92 кг Зелимхан Минкаилов (Чечня) — Азамат Закуев (КБ)

92 кг Сослан Кцоев (Хотугу Осетия) — Гурам Черткоев (Хотугу Осетия).

Киэһээ 20:00 чаастан чемпионаты үөрүүлээх аһыы кэнниттэн тута финальнай хапсыһыылар ыытыллыахтара. Ону телевизорга “Матч Боец” каналга көрүөххүтүн сөп.

Петр ПАВЛОВ.

 

Добавить комментарий

Ваш адрес email не будет опубликован. Обязательные поля помечены *