Түһүлгэ кыайыылааҕынан Игорь Софронеев буолла

Манчаары аатынан спорт национальнай көрүҥнэригэр “Модун” спортивнай комплекска ааспыт өрөбүл күннэргэ хапсаҕайга саҥа, сонун күрэхтэһии буолан ааста. Ол курдук, Нэһилиэнньэ олоҕо куттала суох буолуутун хааччыйар республикатааҕы государственнай комитет баһаарынньыктар, быыһааччылар уонна государственнай комитет иһинэн үлэлиир тэрилтэлэр икки ардыларыгар хапсаҕай түһүлгэтин тэрийдэ.

Күрэхтэһии Аҕа дойду Улуу сэриитигэр Кыайыы 75, “Саханефтегазсбыт” тэрилтэ 20, Россия Ыксаллаах быһыыга министиэристибэтин (МЧС) 30 сылларыгар уонна Саха сиригэр Патриотизм сылыгар ананан ыытылынна.

Күрэхтэһии эр дьоҥҥо уонна бэтэрээннэргэ буолла. Түһүлгэҕэ 200-чэкэҕэ чугаһыыр кыттааччы таҕыста. Кинилэр ортолоругар спорт маастардара, Саха сирин аатырбыт хапсаҕайдьыттара бааллара, түһүлгэ таһымын үрдэттэ. Икки күннээх күрэхтэһии ыйааһыннарынан кимнээх кыайбыттарын, иккис-үһүс буолбуттарын быһаарда.

Силигин ситэрэн, сүрүн түһүлгэ кэнниттэн муҥутуур кыайыылааҕы быһаарар күрэхтэһии тэрилиннэ. Онуоха кыайыылааҕынан спорт маастара, республика хас да төгүллээх чемпиона, элбэх түһүлгэлэргэ бастаабыт биллиилээх бөҕөс Игорь Софронеев таҕыста.

Күрэхтэһии түмүк көрдөрүүтэ:  

Эр дьоҥҥо:

57 кг (15 кыттааччы): 1. Юрий Петухов (СС), 2. Родион Докторов (Чурапчы), 3. Илья Тимофеев (Хаҥалас).

65 кг (30): 1. Андрей Сивцев (Мэҥэ Хаҥалас), 2. Семен Тимофеев (Үөһээ Бүлүү), 3. Вячеслав Федоров (Мэҥэ Хаҥалас).

75 кг (51): 1. Максим Иннокентьев (МЧС, Дьокуускай), 2. Дмитрий Петухов (Уус Алдан), 3. Петр Сивцев (Нам).

85 кг (42): 1. Игорь Софронеев, 2. Антон Тойтонов, 3. Федор Данилов (үһүөн – Нам).

95 кг (23): 1. Владимир Федоров, 2. Александр Аринкин (иккиэн – МЧС, Дьокуускай), 3. Дьулустаан Сыроватскай (Уус Алдан).

+95 кг (13): 1. Василий Ефимов (Амма), 2. Дмитрий Рахлеев (Таатта), 3. Михаил Гоголев (Уус Алдан).

Бэтэрээннэргэ:

60 кг (6): 1. Валентин Иванов (Үөһээ Бүлүү), 2. Ариан Колпашников (Нам), 3. Роман Захаров (Амма).

70 кг (4): 1. Николай Парников (Нам), 2. Дмитрий Собакин (Таатта), 3. Вячеслав Баишев (Амма).

80 кг (12): 1. Михаил Афанасьев (Амма), 2. Спиридон Оконешников (Чурапчы), 3. Николай Попов (Мэҥэ Хаҥалас).

90 кг (7): 1. Максим Шкулев (Томпо), 2. Альберт Данилов (Ньурба), 3. Егор Кучуров (Таатта).

+90 кг (11): 1. Василий Афанасьев (Ньурба), 2. Алексей Михайлов (МЧС, Дьокуускай), 3. Аркадий Антонов (СНГС).

“Дьулурҕан”.

 

 

Добавить комментарий

Ваш адрес email не будет опубликован. Обязательные поля помечены *