Тустуу биһигинэн биллибит Чурапчы көбүөрүгэр…

Эрдэ иһитиннэрбиппит курдук, Чурапчыга, А.И. Федотов аатынан элбэх кыамталаах спортивнай комплекска бүгүн Чурапчы улууһун көҥүл тустууга федерациятын бирииһигэр аһаҕас республикатааҕы турнир ыытыллан түмүктэннэ.

Күрэхтэхтэһии биэс бастакы ыйааһыҥҥа ыытылынна. Көбүөргэ барыта 70-тан тахса бөҕөс тахсан күөн көрүстэ. Бастаабыттар – 50, иккистээбиттэр – 30, үһүстээбиттэр – 10 тыһ. солк. харчынан наҕараадаланнылар.

Түһүлгэ үөрүүлээх аһыллыытыгар Чурапчы улууһа киэн туттар спортсменнара: Николай Аянитовы, Виталий Корякины, Владимир Флегонтовы, Егор Пономаревы, Александр Оконешниковы, Тимур Пестеревы, Станислав Захаровы – улахан спортан атаарыы сиэрэ-туома ыытылынна.

Чурапчы улууһун баһылыга Андрей Ноговицын кинилэргэ улуус дьаһалтатын аатыттан махтал тыллары этэн туран, бука барыларыгар “МР-155” саа сертификаттарын бэлэх туттарда. Ону таһынан уолаттар төрөөбүт-үөскээбит нэһилиэктэрин баһылыктарын ааттарыттан убаһа сертификаттарын ыллылар.

Көҥүл тустууга маннык күрэхтэһиилэр тиһигин быспакка куоракка уонна атын улуустарга ыытыллаллара буоллар, спорт бу көрүҥэ сайдыытыгар төһүү күүс буолуохтара этэ.

Күрэхтэһии түмүк көрдөрүүтэ:

57 кг: 1. Арыйаан Тютрин (Уус Алдан), 2. Петр Копылов (Өлүөхүмэ), 3.Дархан Игнатьев (Чурапчы), 3. Айсиэн Винокуров (Эдьигээн), 5. Харысхал Григорьев (Сунтаар), 5. Дьулустаан Федотов (Үөһээ Бүлүү).

61 кг: 1. Семен Владимиров (Таатта), 2. Петр Константинов (Дьокуускай), 3. Уйгулаан Иванов (Ленскэй), 3. Яков Павлов (Чурапчы), 5. Святослав Семенов (Сунтаар), 5. Федор Постников (Таатта).

65 кг: 1. Дмитрий Аксенов (Томпо), 2. Константин Капрынов (Чурапчы), 3. Дьулусхан Тотонов (Сунтаар), 3. Айхаан Антонов (Ньурба), 5. Владислав Ефимов (Хаҥалас), 5. Кирилл Павлов (Сунтаар).

70 кг: 1. Виктор Рассадин (Орто Халыма), 2. Айсен Потапов (Үөһээ Дьааҥы), 3. Ньургустаан Иванов (Чурапчы), 3. Егор Захаров (Таатта), 5. Вальтер Владимиров (Горнай), 5. Петр Парников (Нам).

74 кг: 1. Стив Попов (Чурапчы), 2. Павел Яковлев (Дьокуускай), 3. Алексей Захаров (Чурапчы), 4. Николай Сивцев (Мэҥэ Хаҥалас).

“Дьулурҕан”.

Семен Жендринскэй хаартыскаҕа түһэриитэ.

Добавить комментарий

Ваш адрес email не будет опубликован. Обязательные поля помечены *