Тустуук Станислав Свинобоев – аан дойду түһүлгэтигэр

Тустуу бүттэ, тустуу салҕанар. Токиотааҕы Олимпиада тустуутун дуораана ситэ уоста илигинэ, саха бөҕөһө кыттыылаах саҥа күрэхтэһии саҕаланар. Ол курдук, атырдьах ыйын 16-18 күннэригэр Башкортостан киин куоратыгар Уфаҕа көҥүл тустууга эдэрдэргэ (21-гэр диэри саастаахтарга) аан дойду үрдүнэн бастыыр иһин күрэхтэһии ыытыллыаҕа.

Манна даҕатан эттэххэ, маннык күрэхтэһии Россия сиригэр-уотугар аан бастаан тэриллэр.

Бу улахан таһымнаах күрэхтэһиигэ биһиги биир дойдулаахпыт, Мэҥэ Хаҥалас ыччата, бу саас Иркутскайга ыытыллыбыт эдэрдэргэ Россия күрэхтэһиитин кыайыылааҕа Станислав Свинобоев (тренерэ В.П. Уваров) кыттыаҕа. Кини 70-ҥа диэри киилэҕэ тустуоҕа.

Бу эппиэттээх күрэхтэһиигэ анаан кини бэс ыйын саҥатыгар Румынияҕа буолбут норуоттар икки ардыларынааҕы турнирга ситиһиилээхтик кыттыбытын, онон үчүгэй бэлэмнэниини барбытын санатар тоҕоостоох.

Бырагыраама быһыытынан, Станислав атырдьах ыйын 16 күнүгэр көбүөргэ тахсыаҕа, сарсыныгар – финал. Уолбутугар ситиһиилээх тустууну баҕарабыт!

Күрэхтэһии бырагараамата:

Атырдьах ыйын 16 күнэ, бэнидиэнньик

09.00-13:00 — 57, 65, 70, 79, 97 кг ыйааһыннарга барыллааһын хапсыһыылар.

16.00-17.30 — 57, 65, 70, 79, 97 кг финалга тахсар иһин тустуулар.

Атырдьах ыйын 17 күнэ, оптуорунньук

09.00-13:00 — 61, 74, 86, 92, 125 кг барыллааһын хапсыһыылар, 57, 65, 70, 79, 97 кг «уоскутар» бөлөххө тустуулар.

14.45-15.45 6- 1, 74, 86, 92, 125 кг финалга тахсар иһин тустуулар.

16.00-18.30 — 57, 65, 70, 79, 97 кг финаллар.

Атырдьах ыйын 18 күнэ, сэрэдэ

09.00-12.00 — 61, 74, 86, 92, 125 кг «уоскутар» бөлөххө тустуулар.

16.00-18.30 — 61, 74, 86, 92, 125 кг финаллар.

PS: бырагыраама Уфа бириэмэтинэн сурулунна.

«Дьулурҕан».

Добавить комментарий

Ваш адрес email не будет опубликован. Обязательные поля помечены *