Тустуук оҕолорбут – АХШ Орегон штатыгар

Бу күннэргэ Саха сирин эдэр тустууктарын хамаандата Америка холбоһуктаах штаттарын Орегон штатыгар үөрэтэр-эрчийэр түмсүүгэ уонна хамаанданан табаарыстыы көрсүһэр соруктаах сылдьар. Р.М. Дмитриев аатынан Олимпийскай эрэл училищетын тренерэ, көҥүл тустууга РФ, хапсаҕайга СР спортарын маастара Кирилл Павлов акыйаан уҥуортан иһитиннэрбитинэн, кинилэри бэркэ көрсүбүттэр.

Саха сирин хамаандатыгар 3 улахан киһи уонна 11 уол баар эбит. Салайааччы – Семен Иванович Адамов, тренердэр – Василий Прокопьевич Неустроев уонна Кирилл Иннокентьевич Павлов.

Бастаан, Спрингфилд куоракка көҥүл тустууга табаарыстыы көрсүһүүгэ кыттыбыттар. Ол курдук, бастакы матчка Миша Бродников, Дархан Игнатьев, Стас Свинобоев, Миша Сергеев, Алексей Ефимов, Данил Иванов бэйэлэрин хапсыһыыларыгар хотоннор, Саха сирин хамаандата 6:4 ахсаанынан кыайыыны ситиспит.

Иккис матчка Сеня Лукин, Вадим Тастыгин, Дархан Игнатьев, Стас Свинобоев, Алексей Ефимов, Дьулус Борисов, Данил Иванов, Рома Нестеров кыайаннар, бу сырыыга 7:2 ахсаанынан хоппуттар.

Үһүс матчка Вадим Тастыгин, Дархан Игнатьев, Стас Свинобоев, Алексей Ефимов, Дьулус Борисов, Данил Иванов, Рома Нестеров бэйэлэрин киирсиилэригэр кыайаннар, ахсааны 7:3 оҥорбуттар.

Онон уопсай ахсаан 16:9, Саха сирин хамаандатыгар туһатыгар буолбут.

— Аны икки матч буолуохтаах. Хамаанда барыта ыалларга тарҕанан олорор. Сүрдээх амарах, аламаҕай дьоннор, тустуунан олороллор эбит, — диир тренер К.И. Павлов.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *