Дьокуускай куорат күнүгэр — күрэхтэһиилэр

Дьокуускай куорат физическэй култуураҕа уонна спорка управлениета бэлэмнээн уонна тэрийэн ыытыыларынан, чугастааҕы кэмҥэ маннык күрэхтэһиилэр буолуохтара:

Түргэн сахымакка

Балаҕан ыйын 8 күнүгэр Республикатааҕы дуобат уонна саахымат киинигэр – түргэн саахымакка “Күһүҥҥү тургутуу” диэн күрэхтэһии тэриллэр. Турнир күнүс 14 чаас 30 мүн. саҕаланар. Швейцарскай систиэмэнэн 9 туур оонньонуоҕа. Күрэхтэһии түмүгүнэн үс бастакы миэстэни ылбыт саахыматчыттар – мэтээлинэн, грамотанан уонна бирииһинэн наҕараадаланыахтара. Оттон төрдүс, бэһис, алтыс миэстэлэммиттэр — бириистэринэн бэлиэтэниэхтэрэ.

Күрэхтэһии түмүгүнэн бэтэрээннэр, дьахталлар, уолаттар уонна кыргыттар бөлөхтөрүгэр бастыҥ көрдөрүүлээхтэргэ анал бириистэр туттарыллыахтара.

Остуол тенниһигэр

Балаҕан ыйын 8-9 күннэригэр Дьокуускай куорат төрүттэммитэ 386 сылыгар анаммыт остуол тенниһигэр аһаҕас түһүлгэ тэриллэр. Күрэхтэһии “Дохсун” спортивнай комплекска балаҕан ыйын 9 күнүгэр сарсыарда 10:00 чаастан саҕаланар.

Күрэхтэһии – дьахталларга, эр дьоҥҥо биирдиилээн уонна пааранан, булкаас пааранан ыытыллар. Кыайыылаахтар уонна призердар мэтээллэринэн уонна грамотанан наҕараадаланыахтара. Сибээстэһэр телефоҥҥут – 8914-2-701-295 (Данилов Вячеслав Джурович).

Бильярд спордугар

Дьокуускай куорат баһылыгын кубогар бильярд спордугар “Комбинированнай пирамидаҕа” биирдиилээн бастыыр иһин күрэхтэһии ыытыллар. Балаҕан ыйын 7 күнүгэр киэһэ 18:00 чаастан “Леман” бильярд кулуубугар кыттааччылары бэлиэтээһин. Сарсыныгар сарсыарда 10:30 чаастан “Лемаҥҥа” мустуу уонна күрэхтэһиини үөрүүлээхтик аһыы. Балаҕан ыйын 8-9 күннэригэр 11:00 чаастан “Леман” бильярд кулуубугар, “Эллэй Боотур” Муус дыбарыаһыгар уонна “Триумф” спорка бэлэмнэнии киинигэр – күрэхтэһии саҕаланар. Кыайыылааҕы быһаарар бүтэһик оонньуулар балаҕан ыйын 9 күнүгэр “Лемаҥҥа” ыытыллыахтара.

Биатлоҥҥа кросс

Дьокуускай куорат күнүгэр анаан кросс-биатлоҥҥа күрэхтэһии тэриллэр. Биатлоҥҥа кросс диэн, биатлон биир көрүҥэ, хайыһарынан сүүрүү оннугар – кросс. Хайыһар роллерынан биатлоҥҥа кросс. Хайыһардьыттар сайыҥҥы кэмҥэ дьарыктанар, күрэхтэһэр көрүҥнэрэ.

Бу сонун күрэхтэһиини “Саха биатлон” кулууп, СР лазертакка ассоциацията, Дьокуускай куорат физическэй култуураҕа уонна спорка управлениета тэрийэн ыыталлар.

Күрэхтэһии балаҕан ыйын 8 күнүгэр Култуура уонна сынньалаҥ киин пааркатыгар ыытыллар. 10:00 чаастан кыттааччылары бэлиэтээһин, 11:45 чааска күрэхтэһиини үөрүүлээхтик аһыы уонна 12:00 чаастан – күрэхтэһии.

 

Добавить комментарий

Ваш адрес email не будет опубликован. Обязательные поля помечены *