“Туймаада Ыһыаҕа-2020”: Хабылык күрэхтэһиитин түмүгэ

Бүгүн – Сахабыт сиригэр Үрүҥ Тунах Ыһыах күнэ! Ханнык ыһыах күрэс былдьаһыыта суох буолуой?! Төһө да, ыарыыттан харыстанан дьиэҕэ олорор түгэн үөскээбитин үрдүнэн, аныгы сайдыылаах сибээс көмөтүнэн спортивнай күрэхтэһиилэр ыытыллыбакка буолан, тохтоон хаалбаттар. Ол курдук, Туймаада ыһыаҕын чэрчитинэн, бүгүн тутум эргииригэр уонна хабылыкка республикатааҕы таһымнаах онлайн-күрэхтэһиилэр тэрилиннилэр.

Тутум эргииригэр кимнээх кыайбыттарын туһунан бу иннинэ билиһиннэрэн турабыт. Оттон сахалар биир биһириир остуол  оонньууларыттан – хабылыкка кимнээх кыайдылар?  Спорт бу көрүҥэр онлайн-күрэхтэһии саастарынан араарыллыбыт хас да бөлөҕүнэн ыытылынна. Кыттааччылар бэриллибит бириэмэҕэ иккилии холонууларын түмүгэр, кыайыылаахтар быһаарылыннылар. Кылаабынай судьуйанан – Манчаары аатынан спорт национальнай көрүҥнэрин республикатааҕы киинин эппиэттээх үлэһитэ Надежда Белолюбская үлэлээтэ.

Онлайн-күрэхтэһии түмүк көрдөрүүтэ:

18-гар диэри саастаахтарга 1 миэстэ – Айыына Ермолаева, 2 миэстэ – Кристина Прохорова, 3 миэстэ – Аделина Потапова.

18-гар диэри саастаахтарга 1 миэстэ – Богдан Журавлев, 2 миэстэ – Марат Ляшеев, 3 миэстэ – Афанасий Афанасьев.

18-тан 55-гэр диэри саастаахтарга 1 миэстэ – Ньургуйаана Данилова, 2 миэстэ – Мария Иванова, 3 миэстэ – Ирина Новгородова.

18-тан 55-гэр диэри саастаахтарга 1 миэстэ – Виктор Новгородов, 2 миэстэ – Уолан Оконешников, 3 миэстэ – Алексей Тимофеев.

56-тан үөһээ саастаахтарга 1 миэстэ – Наталья Никифорова, 2 миэстэ – Капиталина Алексеева, 3 миэстэ – Клара Дегтярева.

56-тан үөһээ саастаахтарга 1 миэстэ – Дмитрий Иванов, 2 миэстэ – Андрей Софронеев, 3 миэстэ – Валерий Кириллин.

Ааттаммыт дьон бары – Дьокуускай куорат олохтоохторо.

Кыайыылаахтар уонна иккис-үһүс миэстэлээхтэр – Дьокуускай куорат физическэй култуураҕа уонна спорка управлениета (начаалынньык К.С. Бурцев) бэлэмнээбит дьэрэкээн мэтээллэринэн, кыттыбыттарын туһунан туоһу суруктарынан итиэннэ сыаналаах өйдөбүнньүк бириистэринэн наҕараадаланаллар.

Үрүҥ тунах ыһыаҕынан! Дьол-соргу тосхойдун, ил-эйэ эҥэрдэстин, дьаҥ-дьаһах дьалхарыйдын! Санаабыккыт салалла, туппуккут тупса турдун!

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *