“Туймаада Ыһыаҕа-2020”: Тутум эргииригэр кимнээх кыайдылар?

Эрдэ иһитиннэрбиппит курдук, бүгүн бэс ыйын 21 күнүгэр – Туймаада-2020 ыһыаҕын чэрчитинэн, Дьокуускай куорат физическэй култуураҕа уонна спорка управлениетын көҕүлээһининэн сахалыы төрүт көрүҥнэргэ республикатааҕы таһымнаах онлайн-күрэхтэһиилэр ыытылыннылар.

Ол курдук, интенеккэ Skype платформаҕа тэриллибит күрэхтэһии кыттыылаахтарын бастаан тапталлаах Сахабыт сиригэр Үрүҥ Тунах ыһыахтар күннэринэн эҕэрдэлээн туран, управление начаалынньыга Константин Бурцев, хабылык-хаамыска күрэхтэһиитин кылаабынай судьуйата Надежда Белолюбская, тутум эргиирин күрэхтэһиитин кылаабынай судьуйата Иван Горохов ситиһиилээх кыттыыны баҕардылар. Эҕэрдэ кэнниттэн тута күрэхтэһии саҕаланна.

Тэрийээччилэр биллэрбиттэринэн, билигин тутум эргииригэр күрэхтэһии түмүктэннэ. Ол курдук, уон сэттэлэригэр диэри саастаах уолаттарга тоҕус кыттааччы суруйтаран кытынна. Түмүккэ уон икки саастаах Сайаан Макаров (Бүлүү), бэриллибит икки мүнүүтэҕэ 64-тэ эргийэн, кыайыылааҕынан таҕыста. Иккис миэстэҕэ уон алта саастаах Алексей Махаров (Үөһээ Бүлүү) таҕыста. Кини 61-дэ эргийдэ. Оттон үһүс бириистээх миэстэҕэ Горнайтан Айхал Васильев тигистэ. Кини көрдөрүүтэ – 49.

Салгыы миэстэлэри Саян Марков (47), Тимур Макаров (44), Владимир Белак (42), Алгыстаан Верховцев (39), Сандал Мохначевскай (32), Марат Ляшеев (36) ыллылар.

Оттон эр дьоҥҥо кыайыылааҕынан, Хабаровскайтан кыттыбыт биир дойдулаахпыт, Булгунньахтаах ыччата, 22 саастаах Федор Григорьев буолла. Кыайыылаах 44 эргиири оҥордо.

Тутум эргиирин кыайыылаахтара уонна иккис-үһүс миэстэни ылбыт спортсменнар мэтээллэринэн, дипломнарынан уонна сыаналаах бириистэринэн наҕараадаланыахтара.

Петр ПАВЛОВ.

2 thoughts on ““Туймаада Ыһыаҕа-2020”: Тутум эргииригэр кимнээх кыайдылар?

  • 30 июня, 2020 в 12:56 дп
    Permalink

    Ити тэрийээччилэр Бурцев, Белолюбская, Горохов бары Уус-Алдантан теруттээхтэр дуо?

    Ответ
  • 30 июня, 2020 в 9:22 дп
    Permalink

    Бурцев, Белолюбская уус алданнар, Горохов — Горнай.

    Ответ

Добавить комментарий

Ваш адрес email не будет опубликован. Обязательные поля помечены *