Токио-2020: Россия хамаандатыгар соҕотох кыһыл көмүһү Муса Евлоев аҕалла

Япония киин куоратыгар буола турар сайыҥҥы Олимпийскай оонньуу уон биирис мэтээл оонньонор күнүгэр Россия хамаандата 1 кыһыл кемус уонна 1 боруонса мэтээли ылла. Хамаандаҕа мэтээли кимнээх аҕаллылар?

Спортивнай гимнастикаҕа эр дьон перекладинаҕа ким бастыҥын быһаарсыыларыгар Никита Нагорнай үһүс миэстэлэнэн, боруонса мэтээлинэн наҕараадаланна.

Гректии-римнии тустууга 97 киилэҕэ Муса Евлоев финалга ааспыт Олимпиада кыайыылааҕа Артур Алексаняны (Армения) 5:1 ахсаанынан хотон, кыһыл көмүс мэтээл хаһаайынынан буолла. Бу күн, Евлоев кыһыл көмүһэ соҕотох үрдүк наҕарааданан буолла.

Ким төһө мэтээллэннэ?

(Атырдьах ыйын 3 күнүнээҕи туругунан)

1.Кытай – 32+21+16 = 69

2.АХШ – 24+28+21 = 73

3.Япония – 19+6+11 = 36

4.Австралия – 14+4+15 = 33

5.Россия – 13+21+18 = 52

6.Англия – 13+17+13 = 43

7.Германия – 8+8+14 = 30

8.Франция – 6+10+8 = 24

9.Голландия – 6+7+7 = 20

10.Корея – 6+4+9 = 19.

Онон бу күн Россия хамаандата икки эрэ мэтээллэннэ. Ол да үрдүнэн, билиҥҥитэ официальнайа суох хамаанданан түмүккэ бэһис миэстэҕэ сылдьар.

Сарсыҥҥыттан көҥүл тустуу күрэхтэһиитэ саҕаланар. Бастакынан көбүөргэ Завур Угуев (57 кг) уонна Артур Найфонов (86 кг) тахсыахтара. Кинилэр сэрэбиэйдэрин туһунан уонна хайдах кыттыахтарыгар сылыктааһыны биһиги сайтпыт инники суруйуутугар ааҕыҥ.

«Дьулурҕан».

Хаартыскаҕа: гректии-римнии тустууга олимпийскай чемпион Муса Евлоев.

Добавить комментарий

Ваш адрес email не будет опубликован. Обязательные поля помечены *