Токио-2020: Россия хамаандата 58 мэтээллэнэн, бэһискэ таҕыста

Япония киин куоратыгар XXXII сайыҥҥы Олимпийскай оонньуу уочараттаах күнэ түмүктэннэ. Бу күҥҥэ Россия хамаандата 2 кыһыл көмүс, 1 үрүҥ көмүс, 2 боруонса мэтээли ылары ситистэ. Хамаандаҕа мэтээллэри кимнээх аҕаллылар?

Ол туһунан сайтпытыгар салгыы кылгастык билиһиннэрэбит.

Боксаҕа 57 киилэҕэ Альберт Батыргазиев финалга американеһы хотон, бу күн Россия хамаандатыгар бастакы кыһыл көмүс мэтээли аҕалла. Оттон 75 кг ыйааһыҥҥа Глеб Бакши боруонса мэтээл иһин киирсиигэ кыайыыны ситистэ.

Дьэ, ол кэнниттэн көҥүл тустууга, аан дойду икки төгүллээх чемпиона Завур Угуев (57 кг) быһаарыылаах хапсыһыыга индус Рави Кумары хотон, пьедестал үрдүкү үктэлигэр таҕыста. Артур Найфонов 86 киилэҕэ боруонса мэтээли ылары ситистэ.

Чэпчэки атлетика дьахталларга ураҕастаах үрдүгү ыстаныытыгар – Анжелика Сидорова иккис миэстэни ылла.

Ким төһө мэтээллэннэ?

(Атырдьах ыйын 5 күнүнээҕи туругунан)

1.Кытай – 34+24+16 = 74

2.АХШ – 29+35+27 = 91

3.Япония – 22+10+14 = 46

4.Австралия – 17+5+19 = 41

5.Россия – 16+22+20 = 58

6.Англия – 16+18+17 = 51

7.Германия – 9+9+16 = 34

8.Франция – 7+11+9 = 27

9.Италия – 7+10+18 = 35

10.Голландия – 7+9+10 = 26.

Онон бүгүҥҥү күн туругунан Россия хамаандата – 16 кыһыл көмүс, 22 үрүҥ көмүс, 20 боруонса, барыта 58 мэтээллээх, бэҕэһээҥҥи күн түмүгүнэн алтыс сылдьыбыт эбит буоллаҕына, бүгүн бэһискэ таҕыста.

«Дьулурҕан».

Хаартыскаҕа: боксаҕа олимпийскай чемпион, ногаец Альберт Батыргазиев.

Добавить комментарий

Ваш адрес email не будет опубликован. Обязательные поля помечены *