Токио-2020: Россияннар бу күҥҥэ диэри 50 мэтээллэннилэр

Япония киин куоратыгар сайыҥҥы Олимпийскай оонньуулар финалларын онус күнэ түмүктэннэ. Бу күн барыта 22 комплект мэтээл оонньонно. Онуоха Россия хамаандата – 2 үрүҥ көмүс, 4 боруонса мэтээли ылары ситистэ. Мэтээллэри кимнээх аҕаллылар?

Сергей Каменскай 50 м бинтиэпкэнэн, үс балаһыанньаттан ытыыга иккис буолла. Бу иннинэ кини микст көрүҥҥэ боруонса мэтээли ылбытын санатар тоҕоостоох.

Велоспорка дьахталларга хамаанданан сприҥҥэ Анастасия Войнова, Дарья Шмелева – Кытай уонна Германия спортсменнарын кэнниттэн үһүс бириэмэни көрдөрдүлэр.

Спортивнай гимнастикаҕа дьахталларга Ангелина Мельникова боруонса мэтээлинэн наҕараадаланна. Оттон эр дьоҥҥо Денис Аблязин үрүҥ көмүс мэтээл хаһаайынынан буолла.

Киэһэтин гректии-римнии тустууга финаллар буолбуттарыгар, Сергей Емелин (60 кг) уонна Сергей Семенов (130 кг) – үһүс бириистээх миэстэ иһин хапсыһыыларга утарсааччыларын кыайталаан, боруонса мэтээллэринэн наҕараадаланнылар.

Ким төҕө мэтээллэннэ?

(Атырдьах ыйын 2 күнүн түмүгүнэн)

Кытай – 29+17+16 = 62

АХШ – 22+25+17 = 64

Япония – 17+6+10 = 33

Австралия – 14+4+15 = 33

Россия – 12+21+17 = 50

Англия – 11+12+12 = 35

Франция – 6+10+7 = 23

Германия – 6+6+11 = 23

Корея – 6+4+9 = 19

Голландия – 5+7+6 = 18.

Онон бүгүҥҥү күн түмүгүнэн Россия хамаандата – 12 кыһыл көмүс, 21 үрүҥ көмүс, 17 боруонса, барыта 50 мэтээллээх – бэһис көрдөрүүлээх иһэр.

Бу күн Олимпиада геройунан Көҥүл Арыытын бухатыыра, 38 саастаах Михейн Лопес Нуньес (130 кг) буолла. Кини, гректии-римнии тустуу быһаарыылаах киирсиитигэр грузин Якоб Каджаяны хотон, түөрт төгүллээх олимпийскай чемпионунан буолла!

«Дьулурҕан».

 

Добавить комментарий

Ваш адрес email не будет опубликован. Обязательные поля помечены *