Токио-2020: Паралимпиадаҕа үс спортсмеммыт кыттыаҕа

Олимпиада бүттэ, Олимпиада салҕанар. Аны атырдьах ыйын 24 күнүттэн – балаҕан ыйын 5 күнүгэр диэри доруобуйаларынан хааччахтаах спортсменнар Олимпиадалара – XVI сайыҥҥы Паралимпиада ыытыллар.

Өскөтүн сайыҥҥы Олимпийскай оонньууларга биһиги республикабытыттан тустуук Айаал Лазарев соҕотоҕун кыттыбыт эбит буоллаҕына, Паралимпийскай оонньууларга Россия туһааннаах тэрилтэтин быһаарыытынан – үс спортсмеммыт күрэхтэһиэ. Ол курдук, Анастасия Диодорова харбааһыҥҥа, Степанида Артахинова оҕунан ытыыга уонна Алена Дмитриева олорон эрэн волейболга.

Паралимпиада күрэхтэһиитэ Токиоҕа, XXXII сайыҥҥы Олимпийскай оонньуу ыытыллыбыт стадионнарыгар, саалаларыгар буолуоҕа.

XVI Паралимпийскай оонньууларга кыргыттарбыт күрэхтэһэр күннэрэ:

Анастасия Диодорова (харбааһын)

Атырдьах ыйын 26 күнэ – эстафета (кыттыы чуолкайдана турар);

Атырдьах ыйын 30 күнэ – 50 миэтэрэ, дельфинныы харбааһын;

Балаҕан ыйын 3 күнэ – 100 миэтэрэ, көхсүнэн сытан харбааһын.

Степанида Артахинова (оҕунан ытыы)

Атырдьах ыйын 27 күнэ – квалификационнай ытыы;

Атырдьах ыйын 29 күнэ – микс күрэхтэһии (икки буолан ытыы);

Атырдьах ыйын 30 күнэ – соҕотохтуу ытыы.

Алена Дмитриева (олорон эрэ волейбол)

Атырдьах ыйын 28 күнэ: Кытай – Россия

Атырдьах ыйын 30 күнэ: Руанда – Россия

Балаҕан ыйын 1 күнэ: Россия – АХШ.

Спортсменнарбытыгар ситиһиилээх кыттыыны баҕарабыт итиэннэ илии тутуурдаах, өттүк харалаах кэлэллэригэр эрэнэбит!

«Дьулурҕан».

Добавить комментарий

Ваш адрес email не будет опубликован. Обязательные поля помечены *