Токио-2020: Олимпиада көҥүл тустууга күрэхтэһиитэ

Япония киин куоратыгар Токиоҕа үгэннээн ыытылла турар XXXII сайыҥҥы Олимпийскай оонньуу көҥүл тустууга күрэхтэһиитэ атырдьах ыйын 4-7 күннэригэр буолуоҕа. Ыйааһын ахсын 16-лыы бастыҥ бөҕөстөр күөн көрсүөхтэрэ.

Көҥүл тустуу күрэхтэһиитин бырагыраамата:

Атырдьах ыйын 3 күнэ, оптуорунньук

13:40-14:00 57 уонна 86 кг ыйааһыннаахтар сэрэбиэйдэрэ.

Атырдьах ыйын 4 күнэ, сэрэдэ

09:15-09:45 57 уонна 86 кг кыттааччылар бастакы ыйааһыннаныылара.

11:00 57 уонна 86 кг ыйааһыннаахтарга барыллааһын күрэхтэһии.

13:40-14:00 74 уонна 125 кг ыйааһыннаахтар сэрэбиэйдэрэ.

18:15 57 уонна 86 кг ыйааһыннаахтар финалга киирэр иһин хапсыһыылара.

Атырдьах ыйын 5 күнэ, чэппиэр

09:00-09:15 57 уонна 86 кг кыттааччылар иккис ыйааһыннаныылара.

09:15-09:45 74 уонна 125 кг кыттааччылар бастакы ыйааһыннаныылара.

11:00 74 уонна 125 кг – барыллааһын хапсыһыылар. 57 уонна 86 кг – “уоскутар» бөлөх тустуулара.

13:40-14:00 65 уонна 97 кг ыйааһыннаахтар сэрэбиэйдэрэ.

18:15 74 уонна 125 кг финалга киирэр иһин хапсыһыылара.

19:30 57 уонна 86 кг ыйааһыннаахтарга финаллар.

Атырдьах ыйын 6 күнэ, бээтинсэ

09:00-09:15 74 уонна 125 кг кыттааччылар иккис ыйааһыннаныылара.

09:15-09:45 65 уонна 97 кг кыттааччылар бастакы ыйааһыннаныылара.

11:00 65 уонна 97 кг – барыллааһын хапсыһыылар. 74 уонна 125 кг – “уоскутар» бөлөх тустуулара.

18:15 65 уонна 97 кг – финалга киирэр иһин хапсыһыылара.

19:30 74 уонна 125 кг ыйааһыннарга финаллар.

Атырдьах ыйын 7 күнэ, субуота

09:00-09:15 65 уонна 97 кг кыттааччылар иккис ыйааһыннаныылара.

18:45 65 уонна 97 кг «уоскутар» бөлөх тустуулара.

19:30 65 уонна 97 кг ыйааһыннарга финаллар.

Бырагыраама, Саха сирин бириэмэтинэн сурулунна.

Дьэ, онон Олимпиада көҥүл тустууга күрэхтэһиитэ түөрт күн ыытыллыа, онтон үһүгэр – финаллар. Россия бөҕөстөрүттэн көбүөргэ бастаан аан дойду икки төгүллээх чемпиона Завур Угуев (57 кг) уонна Европа чемпиона Артур Найфонов (86 кг) тахсыахтара. Онтон сарсыныгар, атырдьах ыйын 5 күнүгэр – аан дойду икки төгүллээх чемпиона Заурбек Сидаков (74 кг) уонна Европа чемпионатын призера Сергей Козырев (125 кг) тустуохтара. Кэнники күн аан дойду чемпиона Гаджимурад Рашидов (65 кг) уонна олимпийскай чемпион Абдулрашид Садулаев (97 кг) киирсиэхтэрэ.

Бырагыраама быһыытынан биһиги бөҕөспүт Айаал Лазарев (125 кг) кими кытта киирсэр сэрэбиэйэ атырдьах ыйын 4 күнүгэр, күнүс биллиэҕэ. Сарсыныгар сарсыарда ыйааһыннанан баран, күнүс 11:00 чаастан кини ыйааһыныгар барыллааһын хапсыһыылар саҕаланаллар. Бөҕөспүтүгэр ситиһиилээх кыттыыны баҕарабыт!

“Дьулурҕан”.

Добавить комментарий

Ваш адрес email не будет опубликован. Обязательные поля помечены *