Токио-2020: «Ингушетия танката» Муса Евлоев – олимпийскай чемпион!

Япония киин куоратыгар үгэннээн ыытылла турар XXXII сайыҥҥы Олимпийскай оонньууга бүгүн спортивнай тустуу көрүҥэр үс ыйааһыҥҥа мэтээллэр оонньоннулар: гректии-римнии тустууга – икки, дьахталлар тустууларыгар – биир.

Бу күн Россия Олимпийскай комитетын хамаандата биир кыһыл көмүс мэтээли ылары ситистэ. Ол күүтүүлээх үрдүк күрдүрүүну гректии-римнии тустууга «Ингушетия таанката» диэн аатынан биллэр Муса Евлоев аҕалла. Кини 97 киилэҕэ бүтэһик быһаарыылаах хапсыһыыга Риотааҕы-2016 Олимпиада чемпиона Артур Алексаняны (Армения) эрэллээхтик кыайда.

Муса Евлоев, кыайыылааҕы уонна призердары наҕараадалыыр сиэргэ-туомҥа, кыһыл көмүс мэтээли Россия спортивнай тустууга федерациятын президенэ Михаил Мамиашвилиттан ылла.

Спортивнай тустууга иккис финаллар күннэрин түмүгэ:

Гректии-римнии тустууга

Эр дьон 77 кг:

1.Тамаш Лоринц – Венгрия

2.Акжол Махмудов – Кыргызстан

3.Сехеи Ябику – Япония

3.Рафик Гусейнов – Азербайджан.

Эр дьон 97 кг:

1.Муса Евлоев – Россия

2.Артур Алексанян – Армения

3.Тадеуш Михалик – Польша

3.Мухаммад Сарави – Иран.

Дьахталлар 68 кг:

1.Тамира Менса – АХШ

2.Блессинг Оборудуду – Нигерия

3.Алла Черкасова – Украина

3.Мээрим Жуманазарова – Кыргызстан.

Сарсыҥҥы финалларга көрсүөхтэрэ:

Гректии-римнии тустууга

67 кг: Мохаммад Гераеи (Иран) – Парвиз Насибов (Украина).

87 кг: Виктор Лоринц (Венгрия) – Жан Беленюк (Украина).

Дьахталлар тустууларыгар:

62 кг: Айсулуу Тыныбекова (Кыргызстан) – Юкако Каваи (Япония).

Эмиэ сарсын 57 уонна 86 кг ыйааһыннарга көҥүл тустууга күрэхтэһии саҕаланар. Россияттан Завур Угуев уонна Артур Найфонов тустуохтара. Күрэхтэһии биһиги бириэмэбитинэн күнүс 11:00 чаастан саҕаланар.

«Дьулурҕан».

Добавить комментарий

Ваш адрес email не будет опубликован. Обязательные поля помечены *