Токио-2020: «Азия оҕолоро» оонньуу кыайыылааҕа – Олимпиада чемпиона!

Олимпиада финалын иккис күнэ. Россия хамаандатыгар бастакы кыһыл көмүс мэтээли пневматическай бэстилиэтинэн 10 м ытыыга Виталина Бацарашкина аҕалла.

Кини спорт үтүөлээх маастара, Омскай уобаластан сылдьар. Сааһа 24-дэ. Ааспыт Олимпийскай оонньууларга Рио-де-Жанейроҕа (Бразилия) иккис миэстэҕэ тахсан, үрүҥ көмүс мэтээлинэн наҕараадаламмыта. Өссө эбэн эттэххэ, Виталина 2012 сыллаахха Дьокуускайга ыытыллыбыт «Азия оҕолоро» норуоттар икки ардыларынааҕы спортивнай оонньууларга кыайыы кынаттаммыта.

Онно Саха сириттэн Мария Герес иккис, Сибиир хамаандатыттан Маргарита Ломова үһүс миэстэлэри ылбыттара.

Онон биһиги «Азия оҕолоро» оонньууларбыт тэриллэн ыытыллыылара туһалаахтарын, кэскиллээхтэрин тоһоҕолоон бэлиэтиэххэ сөп. “Азия оҕолоруттан” кынаттанан элбэх эдэр спортсмен Олимп хайатын ситиһиилээхтик дабайалларын бу даҕаны түгэн итэҕэтэр.

Пневматическай бэстилиэтинэн 10 м ытыы.

1.Виталина Бацарашкина – Россия, 240,3 (олимпийскай рекорд)

2.Антоанетта Костадинова – Болгария, 239,4

3.Цзян  Жансинь – Кытай, 218,0.

«Дьулурҕан».

 

Добавить комментарий

Ваш адрес email не будет опубликован. Обязательные поля помечены *