Сырдатыы үлэтэ барыта эһиги тускутугар оҥоһуллар

Билэргит курдук, кулун тутар 11-14 күннэригэр Улан-Удэ куоракка Россия көҥүл тустууга Олимпиада иннинээҕи чемпионата ыытыллар. Бу сүдү таһымнаах күрэхтэһиигэ «Сахапечать» салалтатын (генеральнай директор Н.М. Стручкова) өйөбүлүнэн сырдата барар буолбуппар, махталын улахан!

Билигин иһитиннэрэр-көрдөрөр систиэмэҕэ аныгы технология киирэн, сонуну суһаллык тиэрдиэххэ наада. Төһө да хаһыатчыт буолларбын, бэчээккэ хаһан тахсарын кэтэспэккэ, күннэтэ көрдөрүү, суруйуу соруга турар. Онон Россия көҥүл тустууга чемпионатыттан тутатына иһитиннэриилэри, кылгас интервьюлары, видео-репортажтары, көбүөргэ хапсыһыылары, хаартыскалары күннэтэ таһаарарга дьулуһабын. Оттон түмүк санаалар, ырытыылар кэлэн баран хаһыакка суруллуохтара.

Спорду таптааччылар, тустууну сэҥээрээччилэр аллараа бэриллэр сайтары, инстаграм страницалары кыраҕытык кэтээн көрөргүтүгэр ыҥырабын. Cонуннар, хаартыскалар, видеолар хатылаһыахтара суоҕа.

Үлэ барыта эһиги тускутугар оҥоһуллар. Өссө бэйэҕит санааҕытын, ыйытыыларгытын, сүбэҕитин-амаҕытын суруйаргыт, айымньылаах үлэҕэ көҕүлүүргүт буоллар дии саныыбын. Чэ, чемпионат кэмигэр сайт, инстаграм страницаларыгар, ютуб каналга, хаһыат балаһатыгар көрсүөххэ диэри!

Чемпионат хаамыытын сүрүннээн манна сырдатыам:

Улус-Медиа сайта https://ulus.media/

Инстаграмҥа @dzulurgan64, @sakhasport_news страницаларга

Дьулурҕан хаһыат сайта  http://dzulurgan.ru

Дьулурҕан хаһыат Ютуб-канала  https://www.youtube.com/channel/UCdQWiPUliiKpPOVV3JKNb5g

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *