Сыл Бастыҥ спортсменнарынан кимнээх буоллулар?

Быйылгы сыл бастыҥ спортсменнарын быһаарыы уратылаах буолла. Ол курдук, урукку сылларга курдук спортивнай сылы түмүктүүр “Чемпионнар баалларыгар” – улахан дьоҥҥо, адаптивнай спорка, үөрэнээччилэргэ 10-нуу чулуу спортсменнар талыллан чиэстэнэр-бочуоттанар эбит буоллахтарына, быйыл холбоон уон бастыҥнар талылыннылар.

Ол курдук, 2018 сыл Бастыҥ спортсменкатынан – Сардаана Трофимова (чэпчэки атлетика, тренерэ – Т.Ю. Жиркова), Бастыҥ спорсменынан – Василий Егоров (бокс, тренерэ – А.И. Пахомов) ааттаннылар.

Адаптивнай спорка Бастыҥ спортсменканан Светлана Артахинова (оҕунан ытыы, тренерэ – А.А. Иксман), оттон Бастыҥ спортсменынан – Владимир Балынец (пауэрлифтинг, тренерэ – П.Н. Давыдов) буоллулар.

Спорт сахалыы көрүҥнэригэр чулуулар: Наталья Черноградская (мас-рестлинг, тренерэ – А.В. Агапов) уонна Павел Черноградскай (мас-рестлинг, тренерэ – Н.Э. Константинов).

Үөрэнээччилэргэ Бастыҥ спортсменнарынан Алена Большакова (дуобат, тренерэ – В.Н. Кычкин) уонна Валерий Андросов (көҥүл тустуу, тренерэ – И.Н. Сивцев) буоллулар.

Адаптивнай спорка үөрэнээччилэргэ Бастыҥнарынан ааттаннылар: Татьяна Бурым (чэпчэки атлетика, тренерэ – В.А. Оленов) уонна Андрей Винокуров (көҥүл тустуу, тренерэ – Э.Г. Макаров).

Бастыҥ спортсменнары уонна кинилэр тренердэрин эҕэрдэлиибит! Саха сирин спорка былааҕын өрүү күөрэччи туталларыгар баҕарабыт.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *