Суруналыыс саҥа кинигэтэ

Суруналыыс Родион Кривогорницын “Дыгын оонньуулара” диэн кинигэни хомуйан бэчээккэ бэлэмнээн таһаарда. Элбэх өҥнөөх хаартыскаларынан киэргэтиллибит сиэдэрэй оҥоһуулаах кинигэҕэ 1995-2018 сс. оонньуулар тустарынан иһитиннэрэр-көрдөрөр матырыйааллар киирдилэр.

Санатан эттэххэ, Родион Кривогорницын былырыын “Спорт на родине Манчаары” диэн, Мэҥэ-Хаҥалас оройуонун спорка историятын кэрэһилиир кинигэ бастакы томун хомуйан, бэлэмнээн таһаарбыта. Аны билигин дьоҥҥо-сэргэҕэ киэҥ сэҥээриини ылбыт Дыгын оонньууларын туһунан элбэх хаартыскалардаах, сыыппаралардаах-чахчылардаах кинигэни оҥорон таһааттарда.

Сарсын, атырдьах ыйын 28 күнүгэр күнүс 15:00 чаастан “Дыгын оонньуулара” кинигэ сүрэхтэниитэ ыытыллар. Ким сэҥээрбит кэлэн кинигэ сүрэхтэниитигэр кыттарыгар, кинигэни оҥорон таһаарааччылар, ааптардар уонна араас сылларга Дыгын оонньуутун кыайыылаахтарынан буолбут кинигэ дьоруойдарын санааларын истэригэр, таарыччы кинигэни бэйэтин сыанатынан атыылаһан бараргытыгар ыҥырабыт.

Буолар сирэ: Бэчээт дьиэтэ, иккис мэндиэмэн, Медиа киин.

2 thoughts on “Суруналыыс саҥа кинигэтэ

  • 27 августа, 2018 в 2:22 пп
    Permalink

    Сыаната теhе буоларый?

    Ответ
  • 8 сентября, 2018 в 1:51 дп
    Permalink

    500 солк диэбиттэрэ, Бэчээт дьиэтин киоскатыгар атыыланар.

    Ответ

Добавить комментарий

Ваш адрес email не будет опубликован. Обязательные поля помечены *