Станислав Свинобоев финал аҥаарыгар азербайджанец Гаджиевтыын көрсүөҕэ

 

Уфаҕа (Башкортостан) көҥүл тустууга эдэрдэргэ аан дойдуга бастыыр иһин күрэхтэһии саҕаланна. Күн бастакы аҥаарыгар биэс ыйааһыҥҥа иккилии эргиир ыытылынна.

Бу эппиэттээх күрэхтэһиигэ биһиги эрэлбит – Россия түһүлгэтин кыайыылааҕа Станислав Свинобоев (70 кг) кытта сылдьар. Бастакы эргииргэ уолбут Европа күрэхтэһиитин призера турок Мевлют Оздемиры 6:4 ахсаанынан кыайда. Салгыы күрэхтэһиигэ кини, бу иннинэ Германия бөҕөһүн хоппут индус Жайдибы эмиэ эрэллээхтик (6:2) кыайда.

Итинэн бу киэһэ, финалга тахсар иһин тустууга уолаттарга аан дойду, эдэрдэргэ Европа күрэхтэһиилэрин чемпиона, бу саас Дьокуускайга Р.М. Дмитриев аатынан норуоттар икки ардыларынааҕы турнир кыайыылааҕа буолбут Джабраил Гаджиевы (Азербайджан) кытта тустуоҕа. Бу бөҕөс Болгария уонна Швеция спортсменнарын илиилээх-атахтаах оҥортообото, очукуонан ыраастык кыайталаата.

Манна даҕатан эттэххэ, бу түһүлгэҕэ Станиславка кини тус тренерэ Василий Уваров уонна республика эдэрдэргэ хамаандатын сүрүннүүр тренерэ Василий Неустроев күүс-көмө, өйөбүл буолаллар.

Уолбутугар – Станислав Свинобоевка ситиһиини баҕарабыт!

Финалга тахсар иһин киирсиэхтэрэ:

57 кг

Рамазан Багавудинов (Россия) — Нураддин Новрузов (Азербайджан)

Мухаммет Каравус (Турция) — Манвел Хндрцян (Армения).

65 кг

Шамиль Мамедов (Россия) — Саидхассан Эбадимермети (Иран)

Зираддин Байрамов (Азербайджан) — Беа Бартлетт (АХШ).

70 кг

Станислав Свинобоев (Россия) — Джабраил Гаджиев (Азербайджан)

Станислав Новак (Молдова) — Эрфан Элахи (Иран).

79 кг

Балиян Гоурав (Индия) — Мохаммад Ноходиларими (Иран)

Махамбет Нуржаубаев (Казахстан) — Ашраф Аширов Азербайджан).

97 кг

Али Реза Абдоллахи (Иран) — Полат Полатчи (Турция)

Дипак Дипак (Индия) — Брэкстон Амос (АХШ).

Финалга тахсар иһин тустуулар биһиги бириэмэбитинэн бүгүн киэһэ 22:00 чаастан саҕаланаллар. Ону Россия спортивнай тустууга сайтыгар wrestrus.ru көрүөххүтүн сөп.

«Дьулурҕан».

Александр Орешников хаартыскаҕа түһэриитэ. 

Добавить комментарий

Ваш адрес email не будет опубликован. Обязательные поля помечены *