Бу көрдөрүү — улахан суолга бастакы дьоһун хардыы буолуохтун!

Бүгүн, «Триумф» Спорка бэлэмнэнии киинин актовай саалатыгар Уфаҕа (Башкортостан) ыытыллан түмүктэммит көҥүл тустууга эдэрдэргэ аан дойду чемпионатын түмүгүнэн пресс-конференция буолла.

Эһиги болҕомтоҕутугар пресс-конференцияны хаартысканан кэпсээн көрдөрүү.

Санатан эттэххэ, биһиги биир дойдулаахпыт, Мэҥэ Хаҥалас улууһун ыччата, Р.М. Дмитриев аатынан Олимпийскай эрэл училищетын студена Станислав Свинобоев (тренерэ Василий Петрович Уваров) 70 киилэҕэ үһүс бириистээх миэстэҕэ тахсан, боруонса мэтээлинэн наҕараадаланна.

Станислав Свинобоев: «Бу көрдөрүү — инники ситиһиилэргэ саҕалааһын эрэ. Улахан суолга бастакы дьоһун хардыы. Саха сирин олохтоохторун, спорду сэҥээрээччилэри үөрдэр туһугар иннибит диэки өссө баран иһиэхпит! Миэхэ ыалдьыбыт, күүс-көмө, өйөбүл буолбут дьоммор барыларыгар барҕа махтал!»

 

Петр Павлов хаартыскаҕа түһэриилэрэ.

Добавить комментарий

Ваш адрес email не будет опубликован. Обязательные поля помечены *