Сноуборд: Күн-дьыл күчүмэҕэйдэрин аахсыбакка

Дьокуускай куорат физическэй култуураҕа уонна спорка управлениетын (начальник К.С. Бурцев) итиэннэ «Төхтүр» спортивнай-аралдьытар комлекс (дириэктэр И.О. Кондратьев) тэрийиилэринэн – «Төхтүр» Спортивнай-аралдьытар комплекс бирииһигэр сноубордка уонна хайаттан хайыһарынан түһүүгэ Дьокуускай куорат улахан дьоҥҥо уонна эдэрдэргэ чемпионата ыытыллан түмүктэннэ.

Чемпионат түмүгүнэн дьахталларга, эр дьоҥҥо, кыргыттарга уонна уолаттарга бастыҥнар иккилии холонуу кэнниттэн быһаарылыннылар. Бу күн төһө да хаардаах силлиэ түстэр, хорсун санаалаах спортсменнар күн-дьыл күчүмэҕэйдэрин аахсыбакка – күрэхтэһиилэрин тохтоппокко, атын кэмҥэ көһөрбөккө түмүктээтилэр.

Сноубордка эр дьоҥҥо барыта 41 спортсмен кыттыбытыгар – Борис Неустроев (25,84) бастакы, Алексей Сивцев (27,19) иккис, Иван Машуков (29,09) үһүс бириистээх миэстэлэри ыллылар.

Оттон дьахталларга 11 спортсмен күөн көрүстэ. Түмүккэ Аина Афанасьева 32,28 көрдөрүүлээх бастаата, Дайаана Ефремова (32,28) иккис буолла, Олеся Семенова (34,73) үһүстээтэ.

Хайаттан хайыһарынан түһүүгэ түмүк эр дьоҥҥо маннык буолла: 1. Лев Дубовой (32,03), 2. Александр Манжуля (32,41), 3. Иван Семенов (35,94). Дьахталларга: 1. Клавдия Березкина (37,17), 2. Лена Федотова (44,56), 3. Полина Иванова (46,18).

Эдэрдэргэ кыайыылаахтарынан Николай Алексеев уонна Дарина Белоус буоллулар.

Санатан эттэххэ, чемпионат сүрүн спонсорынан 2 ГИС компания буолла.

«Дьулурҕан».

Добавить комментарий

Ваш адрес email не будет опубликован. Обязательные поля помечены *