Саһарбыт хаартыска тугу кэпсиирий?

Соторутааҕыта, Чурапчыттан 60-с сылларга аармыйаҕа, Чита уобалаһыгар бииргэ сулууспалаабыт уолум, билигин 78 саастаах Николай Каженкин бу сэдэх хаартысканы ыытта.

Оччолорго биһигини кытта тиийбит саха уолаттара спорт ротаҕа ыҥырыллан барбыттара. Кинилэр ортолоругар биллиилээх маастардар: Петя Попов, Коля Атласов, Максим Тихонов, Константин Луковцев, Степа Собакин, Витя Стручков, Коля Каженкин, Алеша Атласов, Юра Соловьев уо.д.а. бааллара. Онон сотору-сотору Забайкалье байыаннай уокуругун күрэхтэһиитэ буолара. Онно бастыҥнары талан ылаллара, сүүмэрдээһин күүстээх быһыылааҕа.

Бу хаартыскаҕа Коля Каженкин соҕотоҕун түспүтэ уонна спорт рота уолаттарын кытта олороро көстөр. Баҕар доҕотторгутун, билэр дьоҥҥутун булуоххут диэн бу таһааттарабын.

Хаҥастан уҥа олороллор: Максим Тихонов, Николай Спиридонов, Николай Каженкин, тураллар: Степан Собакин, Алексей Атласов, Виктор Стручков.

Дьэ, итигирдик.

Василий ДАРБАСОВ.

Добавить комментарий

Ваш адрес email не будет опубликован. Обязательные поля помечены *