Саяника Кондратьева – Оҕо аан дойдутааҕы көмүскэлин күнүнээҕи турнир кыайыылааҕа

Бэҕэһээ, бэс ыйын 1 күнүгэр – Оҕо аан дойдутааҕы көмүскэлин күнүгэр анаан Россия дуобакка федерациятын Кузбазтааҕы отделениета нуучча дуобатыгар онлайн-турнир тэрийэн ыытта. Турнир саастарынан араарыллыбыт биэс бөлөҕүнэн ыытылынна. Ол курдук, 9,11, 14, 17, 20 диэри саастаахтар туспа күрэхтэстилэр.

Бу онлайн-турнирга Саха сирин дуобатчыт оҕолоро эмиэ кытыннылар. Холобур, 11 саастаахтар бөлөхтөрүгэр Үөһээ Бүлүү спортивнай оскуолатын иитиллээччитэ, Саха сирин, Россия күрэхтэһиилэригэр өрүү ситиһиилээхтик оонньуур, бэйэтин саастыылаахтарыгар аан дойду күрэхтэһиитин кыайыылааҕынан буола сылдьыбыт Саяника Кондратьева бастакы миэстэҕэ эрэллээхтик таҕыста.

Эмиэ бу улуустан спорт маастарыгар кандидат Дайаана Кондратьева 17 саастаахтарга иккис миэстэлэннэ.

Кыайыылаахтар уонна бириистээх миэстэлэргэ тиксибиттэр грамоталарынан наҕараадаланнылар.

“Дьулурҕан”.

Добавить комментарий

Ваш адрес email не будет опубликован. Обязательные поля помечены *