Сарсын, өйүүн – Чурапчыга тустуу күннэрэ

 

Кулун тутар 20 күнүгэр Чурапчыга А.И. Федотов аатынан элбэх кыамталаах спортивнай комплекска – Чурапчы улууһун көҥүл тустууга федерациятын бирииһигэр эр дьоҥҥо республикатааҕы турнир ыытыллар.

Турнир – 57, 61, 65, 70, 74 кг ыйааһыннарга ыытыллар.

Күрэхтэһиини Чурапчы улууһун дьаһалтата (баһылык А.Т. Ноговицын), Чурапчы улууһун физическэй култуураҕа уонна спорка управлениета (начаалынньык И.И. Оконешников), Чурапчы улууһун көҥүл тустууга федерациятын председателэ М.А. Кириллин) иилээн-саҕалаан, көҕүлээн ыыталлар.

Бу тэрээһиҥҥэ сөп түбэһиннэрэн, күрэхтэһиини үөрүүлээхтик аһыыга бастыҥ спортсменнары чиэстээһин-бочуоттааһын тэриллиэҕэ.

Күрэхтэһиигэ, көҥүл тустууга Саха сирин сүүмэрдэммит хамаандатын консультант-тренеринэн анаммыт аан дойду 5 төгүллээх чемпиона, олимпийскай чемпион, спорт үтүөлээх маастара Хаджимурад Гацалов кыттыыны ылыаҕа.

Биллиилээх бөҕөһү көрсүүнү чурапчылар анал былаанынан ыыталлар. Ол курдук, сарсыарда Бөтүгүттэ алааһыттан саҕалаан, «Арчы» дьиэтигэр; ССРС, РСФСР, Саха АССР үтүөлээх тренерэ Д.П. Коркин аатынан музейг; Павел Пинигин, Роман Дмитриев, Александр Иванов Олимпиадаҕа өрөгөйдөрүн 45 сылыгар анаммыт хаартысканан быыстапкаҕа; Чурапчытааҕы физическэй култуура уонна спорт институтугар уонна Дириҥҥэ олимпийскай чемпион Павел Пинигин аатынан спортивнай саалаҕа көрсүөхтэрэ.

Биллэн турар, аатырбыт тустуук бу сырыытынан институт тустууга саалатыгар маастар-кылаас тэриллэриитэ биир интэриэһинэй түгэнинэн буолуоҕа.

«Дьулурҕан».  

Добавить комментарий

Ваш адрес email не будет опубликован. Обязательные поля помечены *