Сарсыардааҥҥы сэрээккэни ыытааччыларга – Махтал!

Бэҕэһээ, балаҕан ыйын 15 күнүгэр Дьокуускайга Бүтүн Россиятааҕы “Нациялар кросстара” Сүүрүү күнүн бэлиэтээһин кэмигэр “Туймаада” стадиоҥҥа, сарсыардааҥҥы эти-хааны эрчимирдэр дьарыктары ыытааччылары – спорт общественнай инструктордарын эҕэрдэлээтилэр.

Кинилэргэ Саха Республикатын Спорка миниистирэ Георгий Балакшин илии баттааһыннаах, республикаҕа физическэй култуураны уонна маассабай спорду, чөл олоҕу тарҕатыыга кылааттарын уонна Дьокуускай куоракка сарсыардааҥҥы сэрээккэни ыыталларын иһин, Махтал суруктар туттарылыннылар.

Санатан эттэххэ, республикатын киин куоратыгар сарсыардааҥҥы сэрээккэни ыыталлар: Лидия Николаевна Иванова, Саргылана Борисовна Феоктистова, Елена Николаевна Березкина, Валерий Иванович Готовцев, Николай Самбуевич Нимаев, Сардаана Гаврильевна Ядреева, Михаил Михайлович Петров, Дмитрий Николаевич Горохов, Анастасия Иннокентьевна Габышева, Светлана Тимофеевна Кобякова.

Кинилэргэ, нэһилиэнньэ доруобуйатын бөҕөргөтүүгэ ыытар көхтөөх үлэлэригэр махтаныахха! Үлэлэригэр ситиһиини баҕарыахха!

Добавить комментарий

Ваш адрес email не будет опубликован.