Евро-2020: “Санкт-Петербург” стадиоҥҥа сэттэ оонньуу ыытыллыаҕа

Европа футболга чемпионата үгэс быһыытынан түөрт сылга биирдэ ыытыллар. 16-с чемпионат былырыын сайын ыытыллыахтаах этэ. Ол эрээри, аан дойдуну аймаабыт ковид дьаҥынан сибээстээн, чемпионаты биир сыл көһөрөн биэрбиттэрэ. Онон чемпионат быйыл бэс ыйын 11 – от ыйын 11 күннэригэр ыытыллар.

Син эмиэ Токиотааҕы сайыҥҥы Олимпийскай оонньуулар курдук, маркетинг дьыалатынан сибээстээн, чемпионат «Евро-2021» диэн буолбакка, “Евро-2020” аатынан ыытыллар. Тоҕо диэтэргит, суһал дьайыынан бастакы болдьоҕуттан көһөрүллүбүт бу чемпионат – историяҕа соҕотох чемпионат. Тэрийээччилэр эппиттэринэн, трибунаҕа көрөөччүлэри 50% киллэрэргэ диэн быһаарбыттара.

Ааспыттааҕы «Евро-2016» курдук, чемпионат бөлөҕүнэн оонньуутугар барыта 24 хамаанда сүүмэрдэнэн киирдэ. Быйылгы чемпионат сүрүн уратыта диэн, эрдэ быһаарыллыбытынан, 10 дойду 11 куоратын 11 стадионугар ыытыллыаҕа. Ол иһигэр чемпионат сэттэ оонньуута Россияҕа, чуолаан Санкт-Петербург куоракка буолуоҕа.

Сүүмэрдиир оонньуулар түмүктэринэн, футболга Европа чемпионатын финалыгар киирбит хамаандалар алта бөлөххө араарыллан киирсэллэр.

Бөлөхтөргө ханнык хамаандалар киирдилэр?

А: Италия, Турция, Уэльс, Швейцария.

В: Бельгия, Россия, Дания, Финляндия.

С: Украина, Нидерланды, Австрия, Северная Македония.

D: Англия, Хорватия, Чехия, Шотландия.

Е: Испания, Швеция, Польша, Словакия.

F: Германия, Португалия, Франция, Венгрия.

Санкт-Петербурга ыытыллар оонньуулар:

Бэс ыйын 12 күнэ: Россия – Бельгия (22:00 мск)

Бэс ыйын 14 күнэ: Польша – Словакия (19:00)

Бэс ыйын 16 күнэ: Россия – Финляндия (15:00)

Бэс ыйын 18 күнэ: Швеция – Словакия (16:00)

Бэс ыйын 21 күнэ: Финляндия – Бельгия (22:00)

Бэс ыйын 23 күнэ: Швеция – Польша (19:00)

От ыйын 2 күнэ: Финал чиэппэрин оонньуута (19:00).

«Дьулурҕан».

Добавить комментарий

Ваш адрес email не будет опубликован. Обязательные поля помечены *