Россия тустууга календарыгар уларыйыылар

Алтынньыга Будапештка ыытыллар аан дойду чемпионатыгар бэлэмнэнэн бу күннэргэ Россия көҥүл тустууга сүүмэрдэммит хамаандатын иккис эрчийэр-үөрэтэр түмсүүтэ Сочи куоракка саҕаланна.

Эрчиллии бастакы күнүгэр Россия көҥүл тустууга сүүмэрдэммит хамаандатын кылаабынай тренерэ Дзамболат Тедеев, үөрэтэр-эрчийэр түмсүү хайдах быһыылаахтык барыахтааҕын туһунан этэн баран, Россия спортивнай тустууга федерациятын саҥа, сонун быһаарыытын иһитиннэрбит.

Ол курдук, спорт бу көрүҥэр дойду иһинээҕи икки улахан күрэхтэһии: Иван Ярыгин аатынан норуоттар икки ардыларынааҕы Гран-при турнир уонна Россия чемпионата ыытыллар болдьохторун атастаһан биэрбиттэр. Онон 2019 сыл саҥатыгар Россия чемпионата Хотугу Осетия-Алания республикатын киин куоратыгар – Владикавказка ыытыллара былааннанар, оттон Ярыгин турнира сайын тэриллэрэ быһаарыллыбыт.

Ити туһунан wrestdag.ru суруйар.

Добавить комментарий

Ваш адрес email не будет опубликован. Обязательные поля помечены *