Россия, Иран хамаандалара билиҥҥитэ тэҥҥэ иһэллэр

Башкортостан киин куоратыгар Уфаҕа – 21-гэр диэри саастаах бөҕөстөр көҥүл тустууга аан дойду үрдүнэн биирдиилээн уонна хамаанданан бастыыр иһин күрэхтэһиилэрэ үгэннээн ыытылла турар. Бэҕэһээ, атырдьах ыйын 17 күнүгэр биэс ыйааһыҥҥа кыайыылаахтар уонна иккис-үһүс миэстэлээхтэр ааттара билиннэ.

Билиҥҥитэ Россия уонна Иран хамаандалара 2-лии бастакы уонна 1-дии үһүс миэстэлээх тэҥҥэ иһэллэр. Россия хамаандатыгар боруонса мэтээли саха тустууга кыһатын иитиллээччитэ Станислав Свинобоев (тренерэ В.П. Уваров) аҕалла.

Аны бүгүн хаалбыт биэс ыйааһыҥҥа финаллар буолуохтара. Онуоха ираннар – түөрт уоллара бастакы миэстэ иһин тустуоҕа. Оттон Россияттан Федор Балтуев (61 кг), Идар Хатанов (74 кг), Иван Кириллов (92 кг) – боруонса мэтээл иһин киирсиэхтэрэ. Өссө Ислам Кортоев (86 кг) уонна Андрей Бестаев (125 кг) «уоскутар» бөлөхтөн тахсан, үһүс миэстэ иһин тустуохтарын сөп.

Хамаанданан түмүккэ, американецтар да көрдөрүүлэрэ куһаҕана суох. Сэрэйдэххэ, көҥүл тустууга хамаанданан түмүк – Иран, Россия, АХШ буолара буолуо. Оттон эһиги санааҕытыгар?

Бастакы финаллар түмүктэрэ:

57 кг:

  1. Рамазан Багавудинов (Россия)
  2. Мухаммет Каравуз (Турция)
  3. Асылжан Есенгельди (Казахстан)
  4. Манвел Хндрцян (Армения).

65 кг:

  1. Шамиль Мамедов (Россия)
  2. Зираддин Байрамов (Азербайджан)
  3. Бо Бартлетт (АХШ)
  4. Бекзат Ермекбай (Казахстан).

70 кг:

  1. Эрфан Элахи (Иран)
  2. Джабраил Гаджиев (Азербайджан)
  3. Станислав Свинобоев (Россия)
  4. Брюс Андониан (АХШ).

79 кг:

  1. Мохаммад Нороди (Иран)
  2. Ашраф Аширов (Азербайджан)
  3. Балиан Гоурав (Индия)
  4. Мухаммад Абдуллаев (Кыргызстан).

97 кг:

  1. Брэкстон Амос (АХШ)
  2. Полат Полатчи (Турция)
  3. Алиреза Абдоллахи (Иран)
  4. Дипак Дипак (Индия).

«Дьулурҕан».

Добавить комментарий

Ваш адрес email не будет опубликован. Обязательные поля помечены *