Роман Дмитриев турнира: Финал аҥаарыгар кимнээх көрсүөхтэрэй?

«Триумф» Спорка бэлэмнэнии киинигэр олимпийскай чемпион Роман Дмитриев кэриэһигэр көҥүл тустууга эдэрдэргэ норуоттар икки ардыларынааҕы турнир саҕаланна. Эрдэ иһитиннэрбиппит курдук, быйылгы турнирга Азербайджан, Молдова, Кыргызстан, Узбекистан уонна Россия 13 регионун тустууктара, барыта 90-ча эдэр бөҕөс күөн көрсөр.

Күн бастакы аҥаарыгар икки көбүөрүнэн бары ыйааһыннарга барыллааһын хапсыһыылар ыытылыннылар.

Барыллааһын хапсыһыылар түмүктэринэн, финал аҥаарыгар кимнээх көрсөллөрө билиннэ.

57 кг

Эрдэм Борогшонов (Россия) – Чалай Кужугет (Россия)

Харысхал Григорьев (Россия) – Артем Гобаев (Россия)

61 кг

Дамдин Цыренжапов (Россия) – Александр Иванов (Россия)

Николай Спиридонов (Россия) – Вадим Берегой (Молдова)

65 кг

Данил Харчилава (Россия) – Вальтер Владимиров (Россия)

Сабир Джафаров (Азербайджан) – Саян Жигжимаев (Россия)

70 кг

Константин Топшиноев (Россия) – Арсен Балаян (Россия)

Орозбек Токтомамбетов (Кыргызстан) – Джабраил Гаджиев (Азербайджан).

Атын үөһэ ыйааһыннарга кыттааччылар аҕыйах буоланнар, хапсыһыылар эргиир систиэмэтинэн ыытыллаллар.

Онон бүгүн киэһээҥҥи финалга тахсар иһин киирсиилэргэ биһиэннэриттэн Харысхал Григорьев (57 кг), Александр Иванов уонна Николай Спиридонов (61 кг), Вальтер Владимиров (65 кг) тусталлар. Уолаттарбытыгар ситиһиини баҕарыахха!

Финалга тахсар иһин хапсыһыылар киэһэ 18:30 саҕаланаллар. Ол иннинэ, 18:00 чаастан турниры үөрүүлээхтик аһыы буолуоҕа. Финаллар сарсын ыытыллаллар.

«Дьулурҕан».

Добавить комментарий

Ваш адрес email не будет опубликован. Обязательные поля помечены *