Роман Дмитриев кэриэһигэр турнирга уонча дойду бөҕөстөрө кыттыахтара

Олимпийскай чемпион Роман Дмитриев кэриэһигэр көҥүл тустууга эдэрдэргэ (2000-2002 сс. төрөөбүттэргэ) норуоттар икки ардыларынааҕы VIII турнир уонча дойду бөҕөстөрүн түмүөҕэ. Ону тэҥэ Россия регионуттан кэлиэхтэрэ.

Тэрийээччилэр биллэрбиттэринэн, билиҥҥи туругунан Азербайджан, Монголия, Беларусь, Грузия, Армения, Болгария, Молдова, Македония, Казахстан, Узбекистан, Кыргызстан, Таджикистан, оттон Россия регионнарыттан – Красноярскай, Бурятия, Тыва, Москва, Дагестан, Санкт-Петербург, Кабардино-Балкария о.д.а. бөҕөстөрө кэлэллэрэ былааннанар. Саха сириттэн отучча бөҕөс кыттара күүтүллэр.

Турнир бочуоттаах ыалдьыттарынан олимпийскай чемпион. аан дойду чемпионатын үс төгүллээх кыайыылааҕа Анатолий Белоглазов, Россия эдэрдэргэ хамаандатын сүрүн тренерэ, аан дойду чемпиона Абдусалам Гадисов уо.д.а. ыҥырылыннылар.

Роман Дмитриев быйылгы турнира Улуу Кыайыы 75 сылыгар ананар уонна “Кыайыыга айан” диэн девиһинэн ыытыллар.

Күрэхтэһии балаһыанньатын быһыытынан тустуу – 57, 61, 65, 70, 74, 79, 86, 97, 125 кг ыйааһыннарга ыытыллар. Хас ыйааһын ахсын бастаабыттар анал дипломнары, мэтээллэри таһынан – 70, иккистээбиттэр – 50, үһүстээбиттэр – 40 тыһ. солк. харчынан наҕараадаланыахтара. Оттон кыайыылааҕы бэлэмнээбит тренер 40 тыһ. солк. харчынан бэлиэтэниэ.

Санатан эттэххэ, турнир кулун тутар 7 күнүгэр субуотаҕа саҕаланар.

“Дьулурҕан”.

Добавить комментарий

Ваш адрес email не будет опубликован. Обязательные поля помечены *