Петр Наумов: «Бу эрчиллиини туһанаргытыгар сүбэлиибин»

Ньургун, дорообо! Европа чемпионатыгар ситиһиигинэн эҕэрдэлиибин! Мин эйиэхэҕэ уонна тустууктарга анаан биир упражнениебын бэлэхтиибин. Мас тардыы диэн, мас-рестлинг буолбатах.

Онно наада: 1 миэтэрэ уһуннаах тирэнэр хаптаһын (үрдүгэ 24 см, халыҥа 2 см). Тирэнэр мас муостаҕа хам сыһыарыллар. Утарыта олороҕут, көнөтүк. Тардыһыы кэмигэр туора хамсыыр, турар көҥүллэммэт. Тардар мас уһуна 50 см, суона (диаметра) 33 мм (3,3 см). Кыаххынан тэҥнээх киһигин кытта киирсиэхтээхин, 30 сөк. устата. Туох баарын барыта күүрэн, кыайан тыыммат буолаҕын. Онтон тута тустан бараҕын. Оннук үс-түөрт подходу оҥордоххутуна, хаһан да ылбатах нагрузканы ылаҕыт. Былчыҥҥар даҕаны, дыхаанньаҕар даҕаны. Тардыһыы уһунун биир мүнүүтэҕэ тиэрдиэхэ наада. Онтон уһун наадата суох уонна киһи кыайан тиийбэт даҕаны. Кылаабынайа, сыыйа саҕалыыгыт (тардаҕыт) уонна кыайар туһугар киирсэҕит. Кыайыы: киһин маһын мүлчү ыһыгыннаҕына, туттаҕына, эбэтэр тардыллан эйиэхэҕэ кэллэҕинэ.

Онтон бириэмэ устата ким да ылбатаҕына, после гонга (тардар маска ортотугар кыһыл бэлиэ баар) ол бэлиэ ким өттүгэр 0,5 см баар да, ол киһи кыайар. Хват умса, кист көнө. Хамаандата: “Тат!”, “Бэлэм, чэ!”.

Тустууга (единоборствоҕа) кылаабынайа кыах наада. Кыах диэн тугуй? Күүс уһун тыыны кытта холбоспута. Тустуук күүһүнэн баһыйтарда да быстан хаалар, любой единоборствоҕа оннук. Кыаҕын иһинэн буоллаҕына, киһи быстыбат. Утарсааччыҥ эйиигин баһыйар буоллаҕына, эн төһө да эрчиллиилээх буол – быстаҕын. Кавказ уолаттарыгар кыайтарарбыт итиннэ сытар. Мин бэйэм көрүммэр кавказтары кытта киирсибитим уонна киирсэбин. Мин эйиигин кытта көрсүөхпүн баҕарабын.

Бэйэм билигин кыра заллаахпын, онно ыҥырабын. Хайдах күүһүрэри уонна сатаан  тыынары үөрэтиэм. Ылыннаххына үс ыйынан букатын атын киһи буолуон. Көрсүөхпүт диэн эрэнэ, бары үчүгэйи баҕара хаалабын.

Петр НАУМОВ, армрестлиҥҥа аан дойду экс-чемпиона, «Ньургун» СОЦ дириэктэрэ.

Дьокуускай.

 

Добавить комментарий

Ваш адрес email не будет опубликован. Обязательные поля помечены *