Николай Спиридонов – боруонса мэтээллэннэ


Красноярскайга, үс төгүллээх олимпийскай чемпион Бувайсар Сайтиев бирииһигэр көҥүл тустууга уолаттарга норуоттар икки ардыларынааҕы XIV турнир түмүктэннэ. Күрэхтэһии, быраабыла быһыытынан икки күн ыытылынна.

Бу түһүлгэҕэ Уус Алдантан уонна Чурапчыттан барыта 9 эдэр бөҕөс кыттыыны ылла. Түмүккэ Чурапчытааҕы спортивнай оскуола иитиллээччитэ Николай Спиридонов 57 кг ыйааһыҥҥа үһүс бириистээх миэстэни ылла.

57 киилэҕэ түмүк маннык буолла: 1. Леонид Котов (Кемерово), 2. Эчис Ондар (Тыва), 3. Николай Спиридонов (Саха сирэ), Валерий Сироткин (Красноярскай).

Санатан эттэххэ, «Енисей» футбол аренатыгар ыытыллыбыт турнирга барыта 255 эдэр бөҕөс 5 дойдуттан уонна Россия 13 регионуттан мустан күөн көрүстүлэр.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *