Николай Саввинов 80 сааһынан күрэхтэһии тэрийдэ

Дуобат-саахымат республикатааҕы киинигэр Саха сирин 13 төгүллээх чемпиона, ССРС спордун маастара Николай Николаевич Саввинов 80 сааһын туолбут кэрэ бэлиэ күнүнэн нуучча дуобатыгар күрэхтэһии тэрилиннэ. Балаһыанньа быһыытынан, күрэхтэһиигэ 60 саастарыттан үөһээлэр кытыннылар.

Күрэхтэһиигэ Таатта, Чурапчы, Уус Алдан, Мэҥэ Хаҥалас, Нам, Хаҥалас, Горнай, Сунтаар, Үөһээ Бүлүү, Ньурба, Кэбээйи, Муома, Үөһээ Дьааҥы, Дьокуускай бэтэрээн дуобатчыттара кыттыыны ыллылар. Кыттааччылар ортолоругар 8 спорт маастара баара, күрэхтэһиини киэргэттэ да, сытыырхатта даҕаны.

Икки күннээх күрэхтэһии түмүгүнэн, 60-69 саастаахтарга Савва Аргунов (Мэҥэ Хаҥалас) бастаата, Илья Васильев (Хаҥалас) иккис, Петр Окоемов (Уус Алдан) үһүс буоллулар. Оттон 70-тан үөһээ саастаахтарга Василий Кононов (Хаҥалас) кыайда, Петр Калачев (Чурапчы) уонна Семен Исаков (Горнай) иккис-үһүс миэстэлэри ыллылар. Дьахталларга үс бириистээх миэстэҕэ Розалия Егорова (Нам), Мария Бырдыннырова (Дьокуускай), Татьяна Андреева (Хаҥалас) таҕыстылар.

Күрэхтэһии түүгүнэн анал биһирэбил бириистэринэн, грамоталарынан барыта 33 киһи наҕараадаланна. Кинилэр ортолоругар, түһүлгэни киэргэппит аҕыс спорт маастара, 80 саастарын туолбут уонна субу туолаары сылдьар 12 киһи илии тутуурданнылар.

Николай Николаевич Саввинов бу бэтэрээннэр турнирдарын бэйэтин үбүлүөйдээх саастарыгар биэс сыл буола-буола ыытар. Аны биэс сылынан саха аатырбыт дуобатчытын 85 сааһыгар көрсүөхпүт дэһэн үөрэн-көтөн дьиэлэригэр тарҕастылар.

“Дьулурҕан”.

Добавить комментарий

Ваш адрес email не будет опубликован. Обязательные поля помечены *