“Нациялар кросстара”


Бүтүн Россиятааҕы “Нациялар кросстара” Сүүрүү күнэ – нэһилиэнньэни, ыччаты эти-хааны чэбдигирдиигэ, чөл олоххо тардыыга, физическэй култуураны уонна спорду тарҕатыыга анаан ыытыллар. Үгэс быһыытынан сыллата тэриллэр бу дьаһал Дьокуускай куоракка быйыл балаҕан ыйын 15 күнүгэр ыытыллар.

Балаһыанньа быһыытынан “Нациялар кросстарыгар” кыргыттар уонна уолаттар – 1000, салайааччылар – 2000, обургу кыргыттар уонна уолаттар итиэннэ дьахталлар уонна эр дьон 2000 миэтэрэҕэ сүүрүөхтэрэ.

Бу, саастарынан араарыллыбыт бөлөхтөргө үс бастыҥ көрдөрүүлээхтэр мэтээллэринэн уонна грамоталарынан наҕараадаланыахтара.

Син эмиэ чугастааҕы сылларга курдук, улахан дьон “Юность” стадионтан, оттон оҕолор “Чолбон” бассейнтан — “Туймаада” стадиоҥҥа диэри сүүрүөхтэрэ. Мустуу сарсыарда 10:00 чаастан “Юность” уонна “Чолбон” таһыгар буолар, күнүс 12:00 чаастан “Нациялар кросстарын” үөрүүлээхтик аһыы. 12 чаас 20 мүн. хайыһар роллерынан сырсыыга Дьокуускай куорат аһаҕас күрэхтэһиитин кыттыылаахтарын күрэхтэһиитэ саҕаланар. Дьэ, ол кэнниттэн 12:30 саҕалаан, саастарынан араарыллыбыт бөлөхтөр сүүрүүлэрэ ыытыллар. Бырагыраама быһыытынан күнүс 13:00 чаастан “Туймаада” стадиоҥҥа кыайыылаахтары уонна миэстэлэспиттэри наҕараадалааһын буолуоҕа.

Дьокуускай куорат физическэй култуураҕа уонна спорка управлениета.

Добавить комментарий

Ваш адрес email не будет опубликован.