Нарофоминскай-2020: Тувиннартан алта тустуук ыҥырылынна

Алтынньы 16-18 күннэригэр Москва уобалаһын Нарофоминскай куоратыгар көҥүл тустууга Россия эр дьоҥҥо чемпионата ыытыллаар турар.

Онуоха Россия спортивнай тустууга федерациятын (президент Михаил Мамиашвили) быһаарыытынан Тыва Республикатыттан алта тустуук, биир бэрэстэбиитэл уонна икки тренер дойду чемпионатыгар ыҥырылыннылар.

Санатан эттэххэ, буолаары турар күрэхтэһии коронавирус дьаҥынан сибээстээн, кылгатыллбыт балаһыанньанан ыытыллар. Ол курдук, былырыыҥҥы Аан дойду Кубогын, Россия чемпионатын, “Аланнар” турнир, быйылгы “Иван Ярыгин” уонна дойду эдэрдэргэ түһүлгэтин кыайыылаахтара уонна призердара, ыйааһын ахсын 16-лыы эрэ бөҕөс кыттара быһаарыллыбыта.

Ол быһыытынан, Тываттан – Начын Монгуш, Хуреш Оол Дондук Оол, Начын Куулар, Сайын Казырык, Арбак Сат уонна Кежик Чымба тустуохтара.

Былырыын Сочига ыытыллыбыт Россия чемпионатыгар тувинецтар биир үрүҥ көмүс мэтээллэммиттэрэ: Начын Куулар 65 киилэҕэ иккис миэстэҕэ тахсыбыта.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *