Нарофоминскай-2020: Красноярскайтан 17 тустуук ыҥырылынна

Россия спортивнай тустууга федерациятын дьаһалынан, алтынньы 16-18 күннэригэр Нарофоминскайга буолаары турар көҥүл тустууга Россия чемпионатыгар Красноярскайтан уон сэттэ бөҕөс ыҥырылынна.

Ол курдук, официальнай ыҥырыы быһыытынан: Артур Чебодаев (57 кг), Начын Куулар, Кежик Чымба, Усман Шахгиреев (65 кг), Исраил Касумов, Руслан Жендаев, Мурад Нухкадиев, Арбак Сат (70 кг), Никита Сучков, Семен Терещенко, Надирбек Хизриев (74 кг), Азрет Улимбашев, Дмитрий Зайнидинов (79 кг), Александр Кондратов, Анзор Уришев (92 кг), Игорь Овсянников, Эрик Джиоев (97 кг). Ону тэҥэ биир бэрэстэбиитэл, икки тренер.

Бу туһунан иһитиннэриини  бүгүн Красноярскай кыраай көҥүл тустууга кылаабынай тренерэ Виктор Петрович Алексеевтан туттум.

Манна Куулар, Чымба уонна Сат – Тыва Республикатын уонна Красноярскай кыраай аатыттан тэҥҥэ кытталларын санатар тоҕоостоох.

Састаапка уларыйыы тахсыан сөп. Ону биһиги чемпионат саҕаламмытын кэннэ биирдэ билиэхпит. Холобура, ыарахан ыйааһыҥҥа ыҥырыыга ыйыллыбатах, били 2016 сыллаахха Дьокуускайга ыытыллыбыт Россия чемпионатын кыайыылааҕа Мухамази Магомедов киирэн биэриэн сөп.

Санатан эттэххэ, балаҕан ыйын 19-20 күннэригэр Красноярскайга буолбут Сибиир федеральнай уокуругун чемпионатыгар бэйэлэрин ыйааһыннарыгар чемпионнарынан буолбуттара: 57 кг – Артур Чебодаев, 65 кг – Усман Шахгиреев, 70 кг – Мурад Нухкадиев, 74 кг – Исраил Касумов, 79 кг – Никита Сучков, 86 кг – Александр Кондратов, 97 кг – Игорь Овсянников.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *