Муҥутуур кыайыылаах – Юрий Старостин!

Модун” спортивнай комплекска Бырааттыы Ноговицыннар бириистэригэр хапсаҕайга республикатааҕы турнир ыытыллан түмүктэннэ. Бу нэдиэлэ устатыгар “Дьулурҕан” сайтка (dzulurgan.ru) бу турнир туһунан элбэх иһитиннэрии, ахтыы, хаартыска, видео таҕыста. Бу сырыыга түһүлгэ түмүк көрдөрүүтүн билиһиннэрэбит.

55 кг (48 кыттааччы): 1. Дьулустан Дьяконов (Кэбээйи), 2. Константин Кузьмин (Нам, ОЭУ), 3. Захар Винокуров (Нам, ХИФУ).

62 кг (75): 1. Яков Семенов (Сунтаар), 2. Михаил Макаров (Өлүөхүмэ), 3. Конон Матаркин (Томпо).

70 кг (67): 1. Мичил Осипов (Чурапчы), 2. Дмитрий Эспек (Хаҥалас), 3. Айсен Потапов (Үөһээ Дьааҥы).

80 кг (51): 1. Алексей Мигалкин (Үөһээ Дьааҥы), 2. Айсен Рязанскай (Мэҥэ Хаҥалас), 3. Прокопий Петров (Дьокуускай).

90 кг (24): 1. Иннокентий Иннокентьев (Үөһээ Бүлүү, “Модун”), 2. Павел Верховцев (Мэҥэ Хаҥалас), 3. Игорь Софронеев (Нам).

+90 кг (18): 1. Увар Тимофеев (Үөһээ Бүлүү), 2. Юрий Старостин (Үөһээ Дьааҥы), 3. Дьулустан Андреев (Ньурба).

Муҥутуур кыайыылааҕы быһаарар түһүлгэ:

70 кг 1. Дмитрий Эспек (Хаҥалас), 2. Андрей Бекренев (Орто Халыма).

+70 кг 1. Юрий Старостин (Үөһээ Дьааҥы), 2. Иннокентий Иннокентьев (Үөһээ Бүлүү, “Модун”).

Кыайыылаах Дмитрий Эспек – Ноговицыннар күтүөттэрэ С.В. Слепцов, А.М. Павлов, А.Е. Ефимов, К.К. Никитин, М.И. Игнатьев, Е.Н. Егоров олохтообут МР-155 булт саатын бирииһинэн уонна Бөрө тириитинэн наҕараадаланна. Иккис буолбут Андрей Бекренев Өлүөхүмэ улууһа олохтообут 15 тыһ. солк. сертификат хаһаайынынан буолла.

Оттон Юрий Старостин – Үөһээ Дьааҥы улууһун дьаһалтатын 1000 долларынан наҕараадаланна. Иккис миэстэлэммит Иннокентий Иннокентьев – Үөһээ Дьааҥы улууһун Сартаҥ нэһилиэгин (баһылык Н.В. Слепцова) бирииһинэн – телевизорынан бэлиэтэннэ.

Ити курдук, “Түһүлгэ бастыҥ судьуйатынан” — республикатааҕы категориялаах судьуйа, хапсаҕайга спорт маастара, Дьокуускай куорат хамаандатын сүрүн тренерэ Станислав Афанасьев, “Бастыҥ бөҕөһүнэн” — түһүлгэ муҥутуур кыайыылааҕа, икки тустуу маастара Юрий Старостин, “Үөһээ Дьааҥы бастыҥ бөҕөстөрүнэн” — Алексей Мигалкин уонна Мичил Осипов ааттанан, анал бириистэринэн бириэмийэлэннилэр.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *