Мини-футбол: Дьокуускай дьахталларга чемпионатыгар ким кыайда?

Кулун тутар 13-14 күннэригэр Дьокуускай куорат дьахталларга хамаандаларын икки ардыларыгар мини-футболга күрэхтэһии ыытылынна. Күрэхтэһии М.К. Аммосов аатынан Хотугулуу Илиҥҥи федеральнай университет Үөрэтэр-лабораторнай корпуһугар буолла.

Быйылгы күрэхтэһиигэ “Юность”, ЯПК уонна ХИФУ хамаандалара кытыннылар. Хамаандалар сэрэбиэй быһыытынан оонньоотулар. Түмүккэ ХИФУ бастаата, ЯПК иккис уонна “Юность” үһүс миэстэлэри ыллылар.

Күрэхтэһии түмүгүнэн бастыҥ оонньооччуларынан ааттаннылар: Раджана Полятинская (ХИФУ) – “Бастыҥ вратарь”, Лена Винокурова (“Юность) – “Бастыҥ көмүскээччи”, Линара Сергеева (ЯПК) – “Бастыҥ кимээччи” уонна Карина Ильясова (ЯПК) – “Бастыҥ бомбардир”.

“Дьулурҕан”.  

Добавить комментарий

Ваш адрес email не будет опубликован. Обязательные поля помечены *