Миндиашвили турнирыгар 25 бөҕөспүт барда

Тохсунньу 16 күнүттэн дьэ, күүтүүлээх күрэхтэһиибит саҕаланар. Аатырбыт тренер Д.Г. Миндиашвили аатынан Красноярскайдааҕы Тустуу академиятын бирииһигэр Бүтүн Россиятааҕы аһаҕас турнир – Иван Ярыгин кэриэһигэр норуоттар икки ардыларынааҕы Голден Гран-при турнирга бүтэһик сүүмэрдээһин буолар.  

Бу эппиэттээх күрэхтэһиигэ Саха сирин хамаандатын састаабыгар киирдилэр:

57 кг — Арыйаан Тютрин, Виталий Эспек, Федор Постников, Михаил Васильев, Алексей Копылов, Петр Копылов, Быйаман Яковлев, Айсиэн Винокуров, Петр Константинов, Георгий Кычкин.
61 кг — Дмитрий Аксенов, Эдуард Григорьев, Семен Владимиров, Айсен Потапов, Ньургун Александров, Петр Павлов.
65 кг — Дьулустаан Булатов, Юрий Протодьяконов.
70 кг — Константин Власов, Иван Ефремов, Тимур Николаев.
74 кг — Герман Устинов, Айсен Копырин.
92 кг — Ньургун Сергин;
125 кг — Никита Хабаров.

Хамаанда бэрэстэбиитэлэ: Вадим Семенов, тренердэр — Иван Дмитриев, Гаврил Игнатьев.

Оттон хамаандабыт хапытаана, Россия чемпионатын үс төгүллээх призера Виктор Рассадин доруобуйатын туругунан бу күрэхтэһиини көтүтэргэ күһэлиннэ.

Турнир бырагыраамата:

Тохсунньу 17 күнэ, чэппиэр

17:30-18:00 57, 61, 65, 70, 74, 79, 86, 92, 97, 125 кг ыйааһыннарга сэрэбиэй тардыыта.

18:00-18:30 Бары ыйааһын кыттыылаахтарын ыйааһыннаныылара.

Тохсунньу 18 күнэ, бээтинсэ

11:00-11:45 Түһүлгэни үөрүүлээхтик аһыы.

11:45-17:00 Барыллааһын хапсыһыылар.

Тохсунньу 19 күнэ, субуота

11:00-18:00 “Уоскутар” бөлөх хапсыһыылара.

18:00-19:00 Бары ыйааһыннарга быһаарыылаах хапсыһыылар.

19:00-19:30 Кыайыылаахтары наҕараадалааһын, күрэхтэһиини түмүктээһин.

“Дьулурҕан”.

Добавить комментарий

Ваш адрес email не будет опубликован. Обязательные поля помечены *