Манчаары-2021: Спартакиада бүтэһик күнүн күрэхтэһиилэрэ

Дьэ, түөрт сыл кэтэспит улахан таһымнаах күрэхтэһиибит түмүктэнэр күнэ тиийэн кэллэ. Сарсын, өрөбүлгэ хапсаҕайга (уолаттарга, эр дьоҥҥо, бэтэрээннэргэ) ыйааһыннарынан уонна муҥутуур кыайыылааҕы быһаарыыны тэҥэ, национальнай многоборьеҕа чемпион аата биллиэ.

Итиэннэ саамай сүрүнэ, түөрт бөлөх кыайыылаах хамаандалара быһаарыллыахтара.

Национальнай многоборьеҕа бүтэһик көрүҥ – 400 миэтэрэҕэ сүүрүү хаалла. Билигин «үс төгүл үс» ыстаныы, тутум эргиирин, хапсаҕай уонна мас-рестлинг кэнниттэн Тааттаттан Николай Матаннанов 13 очукуолаах бастаан иһэр. Дьокуускайтан Павел Друзьянов 21 очукуолаах иккис, Хаҥаластан Егор Филиппов уонна Намтан Артем Варданян 23-түү очукуолаах үһүс иһэллэр.

От ыйын 11 күнүнээҕи бырагыраама:  

09:00-13:00 Хапсаҕай, барыллааһын хапсыһыылар. «Чыпчаал» стадион.

09:00-13:00 Национальнай многоборье, 400 м сүүрүү. Универсальнай площадка.

14:00-16:00 Хапсаҕай, быһаарыылаах хапсыһыылар. «Чыпчаал» стадион.

15:00-16:00 Кыайыылаахтары наҕараадалааһын. Кыайыы болуоссата.

16:00-17:00 Хапсаҕай, муҥутуур кыайыылааҕы быһаарар түһүлгэ. «Чыпчаал» стадион.

17:00-17:30 Спартакиада бэһис күнүн түмүгүн бигэргэтии.

17:30-18:00 Пресс-конференция.

21:00-22:00 Спартакиаданы үөрүүлээхтик түмүктээһин. Кыайыылаах хамаандалары наҕараадалааһын. «Чыпчаал» стадион.

«Дьулурҕан».

 

Добавить комментарий

Ваш адрес email не будет опубликован. Обязательные поля помечены *