Манчаары-2021: От ыйын 10 күнүнээҕи күрэхтэһиилэр

Горнай улууһун Бэрдьигэстээх сэлиэнньэтигэр – Спорт национальнай көрүҥнэригэр «Манчаары оонньуулара» XXI спартакиада үһүс күнүн күрэхтэһиитэ түмүктэннэ. Субуотаттан спартакиада биир кэрэхсэнэр, дьон-сэргэ биир сөбүлүүр көрүҥэр – хапсаҕайга күрэхтэһии саҕаланар.

Ол курдук, Горнай түһүлгэтигэр Дмитрий Шадрин, Юрий Старостин, Александр Халыев, Кузьма Сивцев, Увар Тимофеев, Прокопий Петров, Александр Контоев, Айаал Павлов, Кирилл Павлов, Александр Румин, Платон Саввинов, Игорь Софронеев, Евгений Алексеев уо.д.а. күүстээх бөҕөстөр күөн көрсүөхтэрэ. Кинилэри тэҥэ билиҥҥи кэмҥэ көҥүл тустууга республика сүүмэрдэммит хамаандатын кыттааччылара: бырааттыы Алексей, Петр Копыловтар, Уйгулан Иванов, Семен Владимиров, Ньургун Александров, Герман Устинов, Максим Толмачев, Ньургун Сергин, Андрей Бекренев, уо.д.а. хапсаҕайга күүстэрин холонуохтара.

Спартакиада от ыйын 10 күнүнээҕи бырагыраамата:

10:00-10:30 Чэпчэки атлетика, 3000 м бэтэрээн-дьахталлар, 5000 м бэтэрээн-эр дьон. «Чыпчаал» стадион.

10:00-16:00 Сахалыы ыстаныылар. «Чыпчаал» стадион.

09:00-18:00 Хапсаҕайга барыллааһын хапсыһыылар. «Чыпчаал» стадион.

09:00-13:00 Хотугу многоборье, наарта нөҥүө ыстаныы. Элбэх кыамталаах спортивнай саала.

10:00-16:00 Остуол национальнай оонньуулара. Спортивнай оскуола.

09:00-13:00 Сахалыы многоборье, хапсаҕай. Универсальнай площадка.

14:00-16:00 Сахалыы многоборье, халбас харата. Универсальнай площадка.

19:00-19:30 Спартакиада төрдүс күнүн түмүктэрин бигэргэтии.

19:30-20:00 Пресс-конференция.

20:00-22:00 Кыайыылаахтары наҕараадалааһын. Кыайыы болуоссата.

Дьэ, спартакиадаҕа оонньонуохтаах мэтээллэр аҥаардара оонньонно. Билигин таблица оҥоһуллан, хамаандалар очко ааҕыылара-суоттааһыннара сытыырхайда. Бириистээх миэстэлэргэ тардыалаһыы күүрээнэ улаатта. Ханнык улуустар ханнык бөлөххө киирбиттэрин http://dzulurgan.ru бу иннинээҕи суруйуутугар көрүөххүтүн сөп.

Дьокуускай хамаандата олохсуйбут үгэс быһыытынан бастыыр балаһыанньатын ыһыктыа дуо? Спартакиаданы бэлэмнээн уонна тэрийэн ыытааччылар – горнайдар бэйэлэрин бөлөхтөрүгэр бастыахтара дуо? Барытын билэн-көрөн иһиэхпит. Биһиги сайтпытын кэтээн көрө сылдьаргытыгар ыҥырабыт.

Спартакиада хаамыытын «Саха» НКИХ, Якутия-24, «Мамонт» канааллар телевизорга быһа көрдөрүөхтэрэ.

«Дьулурҕан».

Добавить комментарий

Ваш адрес email не будет опубликован. Обязательные поля помечены *